Brahmakritam 2 Shri Krishna Stotram

ब्रह्मकृतं २ श्रीकृष्णस्तोत्रम्

ब्रह्मोवाच । जय जय जगदीश वन्दितचरण निर्गुण निराकार स्वेच्छामय भक्तानुग्रह नित्यविग्रह ॥ २३॥ गोपवेष मायया मायेश सुवेष सुशील शान्त सर्वकान्त दान्त नितान्तज्ञानानन्द परात्परतर प्रकृतेः पर सर्वान्तरात्मरूप निर्लिप्त साक्षिस्वरूप व्यक्ताव्यक्त निरञ्जन भारावतारण करुणार्णव शोकसन्तापग्रसन जरामृत्युभयादिहरण शरणपञ्जर भक्तानुग्रहकारक भक्तवत्सल भक्तसञ्चितधन ॐ नमोऽस्तु ते ॥ २४॥ सर्पाधिष्ठातृदेवायेत्युक्त्वा वै प्रीणनाय च । पुनःपुनरुवाचेदं मूर्च्छितश्च बभूव ह ॥ २५॥ इति ब्रह्मकृतं स्तोत्रं यः श‍ृणोति समाहितः । तत्सर्पाभीष्टसिद्धिश्च भवत्येव न संशयः ॥ २६॥ अपुत्रो लभते पुत्रं प्रियाहीनो लभेत्प्रियाम् । निर्धनो लभते सत्यं परिपूर्णतमं धनम् ॥ २७॥ इह लोके सुखं भुक्त्वा चान्ते दास्यं लभेद्धरेः । अचलां भक्तिमाप्नोति मुक्तेरपि सुदुर्लभाम् ॥ २८॥ इति श्रीब्रह्मवैवर्तपुराणे श्रीकृष्णजन्मखण्डे उत्तरे एकोनसप्ततितमाध्यायान्तर्गतं ब्रह्मकृतं श्रीकृष्णस्तोत्रं समाप्तम् । ब्रह्मवैवर्तपुराण । श्रीकृष्णजन्म, उत्तरभाग । अध्याय ६९/२३-२८॥ brahmavaivartapurANa . shrIkRRiShNajanma, uttarabhAga . adhyAya 69/23-28.. Proofread by PSA Easwaran