ब्रह्मेशधर्मकृतं श्रीकृष्णस्तोत्रम् 
 ब्रह्मेशधर्मकृतं श्रीकृष्णस्तोत्रम् 


ब्रह्मोवाच ।
तव चरणसरोजे मन्मनश्चञ्चरीको
भ्रमतु सततमीश प्रेमभक्त्या सरोजे ।
भुवनविभवभोगात्तापशान्त्यौषधाय
सुदृढसुपरिपक्वां देहिभक्तिं च दास्यम् ॥ २१॥

शङ्कर उवाच ।
भवजलनिधिमग्नश्चित्तमीनो मदीयो
भ्रमति सततमस्मिन्घोरसंसारकूपे ।
विषयमतिविनिन्द्यं सृष्टिसंहाररूप-
मपनय तव भक्तिं देहि पादारविन्दे ॥ २२॥

धर्म उवाच ।
तव निजजनसार्द्धं सङ्गमो मे मदीश
भवतु विषयबन्धच्छेदने तीक्ष्णखड्गः ।
तव चरणसरोजे स्थानदानैकहेतु-
र्जनुषि जनुषि भक्तिं देहि पादारविन्दे ॥ २३॥

इति श्रीब्रह्मवैवर्त्तपुराणे श्रीकृष्णजन्मखण्डे पूर्वे
षष्ठाध्यायान्तर्गतं ब्रह्मेशधर्मकृतं श्रीकृष्णस्तोत्रं
समाप्तं

ब्रह्मवैवर्तपुराण । श्रीकृष्णजन्म, पूर्वभाग । अध्याय ६/२१-२३॥


brahmavaivartapurANa . shrIkRRiShNajanma, pUrvabhAga . adhyAya 6/21-23..

Proofread by PSA Easwaran 


% Text title            : Brahmeshadharmakritam Shri Krishna Stotram
% File name             : brahmeshadharmakRRitaMshrIkRRiShNastotram.itx
% itxtitle              : shrIkRiShNastotram (brahmeshadharmakRitaM brahmavaivartapurANAntargatam tava charaNasaroje manmanashchancharIko)
% engtitle              : brahmeshadharmakRRitaM shrIkRRiShNastotram
% Category              : vishhnu, vishnu, krishna, brahmavaivartapurANa, stotra
% Location              : doc_vishhnu
% Sublocation           : vishhnu
% SubDeity              : krishna
% Language              : Sanskrit
% Subject               : philosophy/hinduism/religion
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, pUrvabhAga | adhyAya 6/21-23||
% Indexextra            : (Scans 1, 2, 3, 4, 5, 6, 7, English 1, 2)
% Latest update         : March 22, 2025
% Send corrections to   : sanskrit at cheerful dot c om
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org