Devadibhih Kritam Garuda Stotram

देवादिभिः कृतं गरुडस्तोत्रम्

त्वमृषिस्त्वं महाभागस्त्वं देवः पतगेश्वरः । त्वं प्रभुस्तपनप्रख्यस्त्वं नस्त्राणमनुत्तमम् ॥ १०॥ बलोर्मिमान्साधुरदीनसत्त्वः समृद्धिमान्दुष्प्रसहस्त्वमेव । तपः श्रुतं सर्वमहीनकीर्ते अनागतं चोपगतं च सर्वम् ॥ ११॥ त्वमुत्तमः सर्वमिदं चराचरं गभस्तिभिर्भानुरिवावभाससे । समाक्षिपन्भानुमतः प्रभां मुहु स्त्वमन्तकः सर्वमिदं ध्रुवाध्रुवम् ॥ १२॥ दिवाकरः परिकुपितो यथा दहे त्प्रजास्तथा दहसि हुताशनप्रभ । भयङ्करः प्रलय इवाग्निरुत्थितो विनाशयन्युगपरिवर्तनान्तकृत् ॥ १३॥ खगेश्वरं शरणमुपस्थिता वयं महौजसं वितिमिरमभ्रगोचरम् । महाबलं गरुडमुपेत्य खेचरं परावरं वरदमजय्यविक्रमम् ॥ १४॥ एवं स्तुतः सुपर्णस्तु देवैः सर्षिगणैस्तदा । तेजसः प्रतिसंहारमात्मनः स चकार ह ॥ १५॥ इति महाभारते आदिपर्वणि २० अध्यायान्तर्गतं देवादिभिः कृतं गरुडस्तोत्रं सम्पूर्णम् । महाभारत । आदिपर्व । अध्याय २०/१०-१४॥ mahAbhArata . Adiparva . adhyAya 20/10-14.. Proofread by PSA Easwaran