Devadibhih Kritam Purushottama Stotram

देवादिभिः कृतं पुरुषोत्तमस्तोत्रम् ७

अकस्मात्प्रलयं ज्ञात्वा स्वर्गलोकस्य देवताः । सरुद्रेन्द्रार्कशशिनो रोहिणाण्डोदरे स्थिताः ॥ १६॥ तुष्टुवुर्भयमापन्ना मां तदा पुरुषोत्तमम् । परब्रह्म कृपासिन्धो सर्वरक्षक माधव ॥ १७॥ नमस्ते भगवन् सर्वान्तर्यामिन् परमेश्वर । त्वां विना रक्षको नान्यश्चाकस्मिकलयादिह ॥ १८॥ विद्यते प्राणनाथ त्वं रक्ष रक्ष महालयात् । के वयं स्वर्गवासाश्च कुत्रात्र गह्वरे गताः ॥ १९॥ न जानीमो वयं कृष्णनरायण जगद्गुरो । स्वर्गं दिव्यं सर्वतेजोमयं महति गह्वरे ॥ ३.२०॥ पतितं किं च वा भूतं सत्त्वं वा न्यगिलद्धि नः । अकाले प्रलयः प्राप्तस्तस्माद्रक्षय रक्षय ॥ २१॥ शरणं तव याताः स्मः समर्पिताः स्वयं सुराः । आत्मनिवेदिनस्तेऽत्र यथेष्टं कुरु नः कृते ॥ २२॥ इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डे तृतीयाध्यायान्तर्गतं देवादिभिः कृतं पुरुषोत्तमस्तोत्रं सम्पूर्णम् । लक्ष्मीनारायणीयसंहिता । खण्ड ३। अध्याय ३/१६-२२॥ lakShmInArAyaNIyasaMhitA . khaNDa 3. adhyAya 3/16-22.. Proofread by PSA Easwaran