Devakikritam Shri Krishnabalarama Stotram

देवकिकृतं श्रीकृष्णबलरामस्तोत्रम्

देवक्युवाच । राम रामाप्रमेयात्मन् कृष्ण योगेश्वरेश्वर । वेदाहं वां विश्वसृजामीश्वरावादिपूरुषौ ॥ २९॥ कालविध्वस्तसत्त्वानां राज्ञामुच्छास्त्रवर्तिनाम् । भूमेर्भारायमाणानामवतीर्णौ किलाद्य मे ॥ ३०॥ यस्यांशांशांशभागेन विश्वोत्पत्तिलयोदयाः । भवन्ति किल विश्वात्मंस्तं त्वाद्याहं गतिं गता ॥ ३१॥ चिरान्मृतसुतादाने गुरुणा किल चोदितौ । आनिन्यथुः पितृस्थानाद्गुरवे गुरुदक्षिणाम् ॥ ३२॥ तथा मे कुरुतं कामं युवां योगेश्वरेश्वरौ । भोजराजहतान् पुत्रान् कामये द्रष्टुमाहृतान् ॥ ३३॥ इति श्रीमद्भागवतमहापुराणे दशमस्कन्धे उत्तरार्धे पञ्चाशीतितमाध्यायान्तर्गतं देवकीकृतं बलरामकृष्णयोः स्तोत्रं समाप्तम् । भागवतपुराण । अध्याय १०/८५/२९-३१॥ bhAgavatapurANa . adhyAya 10/85/29-31.. Proofread by PSA Easwaran