Durdamakritam Vishnuchakra Stotram

दुर्दमकृतं विष्णुचक्रस्तोत्रम्

दुर्दम उवाच । सुदर्शन नमस्तेऽस्तु विष्णुहस्तैकभूषण । नमस्तेऽसुरसंहर्त्रे सहस्रादित्यतेजसे ॥ ३७॥ कृपालेशेन भवतस्त्यक्त्वाहं राक्षसीं तनुम् । स्वरूपमभजं विष्णोश्चक्रायुध नमोऽस्तु ते ॥ ३८॥ अनुजानीहि मां गन्तुं त्रिदिवं विष्णुवल्लभ । भार्या मे परिशोचन्ती विरहातुरचेतसा ॥ ३९॥ त्वन्मनस्को भविष्यामि यावज्जीवं यथा ह्यहम् । तथा कृपां कुरुष्व त्वं मयि चक्र नमोऽस्तु ते ॥ १.४.४०॥ इति श्रीस्कन्दपुराणे ब्रह्मखण्डे सेतुखण्डे चतुर्थाध्यायान्तर्गतं दुर्दमकृतं सुदर्शनस्तोत्रं समाप्तम् । स्कन्दपुराण । ब्राह्मखण्ड । सेतुखण्ड । अध्याय ४/३७-४०॥ skandapurANa . brAhmakhaNDa . setukhaNDa . adhyAya 4/37-40.. Proofread by PSA Easwaran