Ekakshari Nrisimhamantra

एकाक्षरी नृसिंहमन्त्र

श्रीगणेशाय नमः । ॐ अस्य श्रीनृसिंहएकाक्षरीमन्त्रस्य अत्रि ऋषिः । गायत्रीच्छन्दः । श्रीनृकेसरी देवता । श्रीलक्ष्मीनृसिंहकृपाप्रसादसिध्यर्थे जपे विनियोगः । अथ करन्यासः । ॐ क्ष्रां अङ्गुष्ठाभ्यां नमः । ॐ क्ष्रीं तर्जनीभ्यां नमः । ॐ क्ष्रूं मध्यमाभ्यां नमः । ॐ क्ष्रैं अनामिकाभ्यां नमः । ॐ क्ष्रौं कनिष्ठिकाभ्यां नमः । ॐ क्ष्रः करतलकरपृष्ठाभ्यां नमः । अथ हृदयादिन्यासः । ॐ क्ष्रां हृदयाय नमः । ॐ क्ष्रीं शिरसे स्वाहा । ॐ क्ष्रूं शिखाय वषट् । ॐ क्ष्रैं कवचाय हुम् । ॐ क्ष्रौं नेत्रत्रयाय वौषट् । ॐ क्ष्रः अस्त्राय फट् । ॐ भूर्भुवस्वरोमिति दिग्बन्धः । अथ ध्यानम् । ॐ तमसोमहुताशनलोचनम् । घनसमानगलं शशिसमप्रभम् । अभयचक्रपिनाकवरान् करैः । दधतमिन्दुधरं नृहरिं भजे ॥ १॥ अथ मन्त्रः । ॐ क्ष्रौं ॐ । ॐ उग्रं वीरं महाविष्णुं ज्वलन्तं सर्वतोमुखम् । नृसिंहं भीषणं भद्रं मृत्युमृत्युं नमाम्यहम् ॥ २॥ पुनर्ध्यानम् । हृदयादिन्यासः ॥ इति श्री एकाक्षरीमन्त्रं सम्पूर्णम् । Proofread by M K Barman