Girijayai Shivaproktam Shri Krishnamantra Stotram

गिरिजायै शिवप्रोक्तं श्रीकृष्णमन्त्रस्तोत्रम्

शम्भुर्वामे गिरिजायाः कर्णे मन्त्रं जजाप । पार्वती तं दीयमानं मन्त्रं दध्यौ हृदि त्विमम् ॥ ५७॥ ॐ नमो हरिकृष्णाय पतिरूपधराय च । बीजाय गर्भरूपायाऽपत्यरूपाय शम्भवे ॥ ५८॥ सङ्कल्पगर्भहृद्याय नमः पुत्रप्रदाय च । विजेत्रेऽग्राऽर्च्यरूपाय नमो देहि सुपुत्रकम् ॥ ५९॥ सर्वविजयिनं देहि सर्वाग्राऽर्च्यं च मे सुतम् । पुण्यकं ते व्रतं कृष्ण क्रियते प्रीतये तव ॥ ६०॥ निर्विघ्नं सफलं तत्स्यात् पुत्रात्मन् सुतदो भव । त्वत्समं मे सुतं देहि चिरञ्जीवी नमो नमः ॥ ६१॥ इतिमन्त्रं हरदत्तं गृहीत्वा पार्वतीं सती । जगाम जाह्नवीतीरं शम्भुना सह पावनम् ॥ ६२॥ इति श्रीलक्ष्मीनारायणीयसंहितायां प्रथमे कृतयुगसन्ताने ९४-अध्यायान्तर्गतं गिरिजायै शिवप्रोक्तं श्रीकृष्णमन्त्रस्तोत्रं सम्पूर्णम् । लक्ष्मीनारायणीयसंहिता । खण्ड १। अध्याय ९४/५७-६२॥ lakShmInArAyaNIyasaMhitA . khaNDa 1. adhyAya 94/57-62.. Proofread by PSA Easwaran