Hitanjalimuniproktam Balakrishnamantra Stotram

 हिताञ्जलिमुनिप्रोक्तं बालकृष्णमन्त्रस्तोत्रम् 

हिताञ्जलिमुनिर्नारायणं भजन् कथामृतम् ।
पाययत्येव लोकांश्च मन्त्रान् ददाति मोक्षदान् ॥ ३०॥

निर्मोहकारकं मुमुक्षुभ्यो देहिभ्य आदरात् ।
``ॐ नमः श्रीकृष्णनारायणाय स्वामिने स्वाहा'' ॥ ३१॥

``कालमायापापकर्मशत्रुयाम्यकुहृद्भयात् ।
शूलमीनध्वजधनुश्चक्रस्वस्तिकवानव'' ॥ ३२॥

``शरणं श्रीकृष्णनारायणोऽस्तु मम सर्वदा'' ।
``ब्रह्माऽहं श्रीकृष्णनारायणभक्तोऽस्मि शाश्वतः ॥ ३३॥

अनादिश्रीकृष्णनारायणः स्वामी पतिश्च मे'' ।
``बालकृष्णः परब्रह्म मम वै शाश्वतः पतिः ॥ ३४॥

पिता बन्धुः सुहृन्मित्रं रक्षकः पालकोऽस्तु सः'' ।
``ॐ मां श्रीबालकृष्णाय समर्पयामि ॐ नमः'' ॥ ३५॥

``ॐ श्रीलक्ष्म्यै महालक्ष्म्यै दुःखभङ्क्त्र्यै श्रियै नमः'' ।
``कृष्णस्य वल्लभोक्तोऽहं श्रीहरिः शरणं मम'' ॥ ३६॥

``श्रीकृष्णोवल्लभश्चार्यः श्रीस्वामी शरणं मम'' ।
``श्रीकृष्णोवल्लभः स्वामी श्रीहरिः शरणं मम'' ॥ ३७॥

``प्रभुः कृष्णो मालतीनारायणः शरणं मम'' ।
हिताञ्जलिमुनिर्बद्रि मन्त्रानेवंविधान् बहून् ॥ ३८॥

मुमुक्षुभ्योऽर्पयत्येव करोति बन्धवर्जितान् ।
महाभागवतान् लोकान् कृत्वा ददाति मोक्षणम् ॥ ३९॥

इति श्रीलक्ष्मीनारायणीयसंहितायाः तिष्यसन्तानात्मकस्य चतुर्थखण्डे
३६-अध्यायान्तर्गतं हिताञ्जलिमुनिप्रोक्तं बालकृष्णमन्त्रस्तोत्रं सम्पूर्णम् ।

लक्ष्मीनारायणीयसंहिता । खण्ड ४। अध्याय ३६/३०-३९॥


lakShmInArAyaNIyasaMhitA . khaNDa 4. adhyAya 36/30-39..

Proofread by PSA Easwaran