Shri Krishnapradurabhavam

श्रीकृष्णप्रादुरभावम्

अनुग्रहार्थं लोकानां विष्णुर्लोकनमस्कृतः । वसुदेवात्तु देवक्यां प्रादुर्भूतो महायशाः ॥ ८३॥ अनादिनिधनो देवः स कर्ता जगतः प्रभुः । अव्यक्तमक्षरं ब्रह्म प्रधानं निर्गुणात्मकम् ॥ ८४॥ आत्मानमव्ययं चैव प्रकृतिं प्रभवं परम् । पुरुषं विश्वकर्माणं सत्त्वयोगं ध्रुवाक्षरम् ॥ ८५॥ अनन्तमचलं देवं हंसं नारायणं प्रभुम् । धातारमजरं नित्यं तमाहुः परमव्ययम् ॥ ८६॥ पुरुषः स विभुः कर्ता सर्वभूतपितामहः । धर्मसंवर्धनार्थाय प्रजज्ञेऽन्धकवृष्णिषु ॥ ८७॥ इति महाभारते आदिपर्वणि ५७ अध्यायान्तर्गतं श्रीकृष्णप्रादुरभावं सम्पूर्णम् । महाभारत । आदिपर्व । अध्याय ५७/८३-८७॥ mahAbhArata . Adiparva . adhyAya 57/83-87.. Proofread by PSA Easwaran