Kaliyuge Martyaih Kriyamanam Shri Krishna Stotram

कलियुगे मर्त्यैः क्रियमाणं श्रीकृष्णस्तोत्रम्

कृष्णवर्णं त्विषाकृष्णं साङ्गोपाङ्गास्त्रपार्षदम् । यज्ञैः सङ्कीर्तनप्रायैर्यजन्ति हि सुमेधसः ॥ ३२॥ ध्येयं सदा परिभवघ्नमभीष्टदोहं तीर्थास्पदं शिवविरिञ्चिनुतं शरण्यम् । भृत्यार्तिहं प्रणतपाल भवाब्धिपोतं वन्दे महापुरुष ते चरणारविन्दम् ॥ ३३॥ त्यक्त्वा सुदुस्त्यजसुरेप्सितराज्यलक्ष्मीं धर्मिष्ठ आर्यवचसा यदगादरण्यम् । मायामृगं दयितयेप्सितमन्वधाव- द्वन्दे महापुरुष ते चरणारविन्दम् ॥ ३४॥ इति श्रीमद्भागवतमहापुराणे एकादशस्कन्धे पञ्चमाध्यायान्तर्गतं कलियुगे मर्त्यैः क्रियमाणं श्रीकृष्णस्तोत्रं समाप्तम् । भागवतपुराण । अध्याय ११/५/३३-३४॥ bhAgavatapurANa . adhyAya 11/5/33-34.. Proofread by PSA Easwaran