Shri Lakshminrisimhashtaksharamantraradhanam

 श्रीलक्ष्मीनृसिंहाष्टाक्षरमन्त्राराधनम् 

श्रीगणेशाय नमः । श्रीलक्ष्मीनृसिंहाय नमः ।
अथ ध्यानम् ।
क्षीराब्धौ वसुमुख्यदेव निकरैरग्रादि संवेष्टितः ।
शङ्खचक्रगदाम्बुजं निजकरैर्बिभ्रंस्त्रिनेत्रासितः ॥ १॥

सर्पाधीश कृतान्तपत्रलसितः पीताम्बरालङ्कृतो ।
लक्ष्मीः श्लिष्टकलेवरो नृहरिस्तां नीलकण्ठो मुदे ॥ २॥

अष्टाक्षरेण देवेशं नरसिंहमनामयम् ।
गन्धपुष्पादिभिर्नित्यमर्चयेदच्युतं नरः ॥ ३॥

राजन्नष्टाक्षरो मन्त्रः सर्वपापहरः परः ।
समस्तयज्ञफलदः सर्वशान्तिकरः शुभः ॥ ४॥

ॐ नमो नारायणाय गन्धपुष्पादि सकलं मनेनैव निवेदयेत् ।
अनेनाभ्यर्चितो देवः प्रीतो भवति तत्क्षणात् ।
किं तस्य बहुभिर्मन्त्रैः किं तस्य बहुभिर्व्रतैः ।
ॐ नमो नारायणायेति मन्त्रः सर्वार्थसाधकः ॥ ५॥

इमं मन्त्रं जपेद्यस्तु शुचिर्भूत्वा समाहितः ।
सर्वपापविनिर्मुक्तो विष्णुसायुज्यमाप्नुयात् ॥ ६॥

सर्व तीर्थफलं ह्येतत्सर्वतीर्थवरं नृप ।
हरेरर्चनमव्यग्रं सर्वयज्ञफलं नृप ॥ ७॥

तस्मात्कुरु नृपश्रेष्ठ प्रतिमादिषु चार्चनम् ।
दानानि विप्रमुख्येभ्यः प्रयच्छ विधिना नृप ॥ ८॥

एवं कृते नृपश्रेष्ठ नरसिंहप्रसादतः ।
प्राप्नोति वैष्णवं तेजो यत्काङ्क्षति मुमुक्षवः ॥ ९॥

पुरन्दरो राजनसि त्वं प्राप्तोऽपधर्मतः ।
तृणबिन्दुमुनेः शापान्मुक्तो ह्यष्टाक्षराज्जपात् ॥ १०॥

इति श्री नरसिंहपुराणे अष्टाक्षरमन्त्रः सम्पूर्णमस्तु ।

Proofread by M K Barman