मानसचिन्तयगीतम्
(अष्टपदी छन्द, पिलु राग)
मानस चिन्तय चारुचरित्रम् ।
प्रेमवती-वृषपुत्रं पवित्रम् ॥ ध्रुवम्
नूतनमुदिर-दयित-मञ्जुकाये ।
चन्द्रविशद-वसनानि धरन्सम् ॥ मानस॥ १
केसरतिलक-ललित-निजभाले ।
कुङ्कुम-चन्द्रक-धरमभिरामम् ॥ मानस॥ २
बिन्दुपरिष्कृत-शुभाश्रुति-युग्मे!
रत्न-सुशोभित-कुण्डलधारम् ॥ मानस॥ ३
अम्बक-मधुप-लसित-लपनाब्जे ।
कुन्द-मुकुलसम-हासं दधानम् ॥ मानस॥ ४
रेखा-विराजित-वरकम्बुकण्ठे ।
पुरुविध-पुष्प-कनकमणिहारम् ॥ मानस॥ ५
विषधर-विग्रह-कल्प-करद्वये ।
पुष्प-रचित-वलयाङ्गदधारम् ॥ मानस॥ ६
हरिमदहरतनु-मञ्जुल-कट्याम् ।
नङ्गखचित चामीकर-रशनाढ्यम् ॥ मानस॥ ७
करिकर-कदली-करभसम-सक्थिम् ।
सुषम-सुवृत्त-मुकुररूप-जानुम् ॥ मानस॥ ८
नूपुर-नादित-चरणमुदारम् ।
निष्कामानन्द-निखिलतापहारम् ॥ मानस॥ ९
इति श्रीनिष्कामानन्दब्रह्मचारीविरचितं मानसचिन्तयगीतं सम्पूर्णम् ।