Markandeyaproktam 4 Vishnu Stotram

मार्कण्डेयप्रोक्तं ४ विष्णुस्तोत्रम्

यः स देवो मया दृष्टः पुरा पद्मनिभेक्षणः स एष पुरुषव्याघ्र सम्बन्धी ते जनार्दनः ॥ ५०॥ अस्यैव वरदानाद्धि स्मृतिर्न प्रजहाति माम् । दीर्घमायुश्च कौन्तेय स्वच्छन्दमरणं तथा ॥ ५१॥ स एष कृष्णो वार्ष्णेयः पुराणपुरुषो विभुः । आस्ते हरिरचिन्त्यात्मा क्रीडन्निव महाभुजः ॥ ५२॥ एष धाता विधाता च संहर्ता चैव सात्वतः । श्रीवत्सवक्षा गोविन्दः प्रजापतिपतिः प्रभुः ॥ ५३॥ दृष्ट्वेमं वृष्णिशार्दूलं स्मृतिर्मामियमागता । आदिदेवमजं विष्णुं पुरुषं पीतवाससम् ॥ ५४॥ सर्वेषामेव भूतानां पिता माता च माधवः । गच्छध्वमेनं शरणं शरण्यं कौरवर्षभाः ॥ ५५॥ इति महाभारते आरण्यपर्वणि १८७ अध्यायान्तर्गतं मार्कण्डेयप्रोक्तं विष्णुस्तोत्रं सम्पूर्णम् । महाभारत । आरण्यकपर्व । अध्याय १८७/५१-५५॥ mahAbhArata . AraNyakaparva . adhyAya 187/51-55.. Proofread by PSA Easwaran