Nagapatnibhih Kritam 2 Shri Krishna Stotram

नागपत्नीभिः कृतं २ श्रीकृष्णस्तोत्रम्

(नागपत्न्य ऊचुः) तन्निर्भिन्नशिरोग्रीवमास्येभ्यः स्रुतशोणितम् । विलोक्य शरणं जग्मुस्तत्पत्न्यो मधुसूदनम् ॥ ५-७-४७॥ ज्ञातोऽसि देवदेवेश ! सर्वेशस्त्वमनुत्तम !। परं ज्योतिरचिन्त्यं यस्तदंशः परमेश्वरः ॥ ५-७-४८॥ न समर्थाः सुराः स्तोतुं यमनन्यभवं प्रभुम् । खरूपवर्णनं तस्य कथं योषित्करिष्यति ॥ ५-७-४९॥ यस्याखिलं मही-व्योम-जलाग्नि-पवनान्तकम् । ब्रह्माण्डमल्पकांशांशः स्तोष्यामस्तं कथं वयम् ॥ ५-७-५०॥ यतन्तो न विदुर्नित्यं यत्स्वरूपं हि योगिनः । परमार्थमणोरल्पं स्थूलात्स्थूलं नताः स्म तम् ॥ ५-७-५१॥ न यस्य जन्मने धाता यस्य नान्ताय चान्तकः । स्थितिकर्त्ता न चान्योऽस्ति यस्य तस्मै नमः सदा ॥ ५-७-५२॥ इति विष्णुपुराणे पञ्चमभागे सप्तमाध्यायान्तर्गतं नागरत्नीभिः कृतं श्रीकृष्णस्तोत्रं समाप्तम् । विष्णुपुराण । भाग ५। अध्याय ७/४८-५२॥ viShNupurANa . bhAga 5. adhyAya 7/48-52.. Proofread by PSA Easwaran