Naradakritam 1 Vishnu Stotram

नारदकृतं १ विष्णुस्तोत्रम्

एकदा मेरुश‍ृङ्गं ते प्रस्थिताः ब्रह्मणः सभाम् । इष्टां मार्गेऽथ ददृशुर्गङ्गां विष्णुपदीं द्विजाः ॥ ६॥ तां निरीक्ष्य समुद्युक्ताः स्नातुं सीताजलेऽभवन् । एतस्मिन्नन्तरे तत्र देवर्षिर्नारदो मुनिः ॥ ७॥ आजगाम द्विजश्रेष्ठा दृष्ट्वा भ्रातॄन् स्वकाग्रजान् । तान् दृष्ट्वा स्नातुमुद्युक्तान् नमस्कृत्य कृताञ्जलिः ॥ ८॥ गृणन् नामानि सप्रेमभक्तियुक्तो मधुद्विषः । नारदोवाच । नारायणाच्युतानन्त वासुदेव जनार्दन ॥ ९॥ यज्ञेश यज्ञपुरुष कृष्ण विष्णो नमोऽस्तु ते । पद्माक्ष कमलाकान्त गङ्गाजनक केशव । क्षीरोदशायिन् देवेश दामोदर नमोऽस्तु ते ॥ १०॥ श्रीराम विष्णो नृसिंह वामन प्रद्युम्न सङ्कर्षण वासुदेव । अजानिरुद्धामलरुङ्मुरारे त्वं पाहि नः सर्वभयादजस्रम् ॥ ११॥ इति नारदपुराणे पूर्वभागे द्वितीयाध्यायान्तर्गतं विष्णुस्तोत्रं समाप्तम् । बृहन्नारदीयपुराण । पूर्वभाग । अध्याय २/९-११॥ bRRihannAradIyapurANa . pUrvabhAga . adhyAya 2/9-11.. Proofread by PSA Easwaran