श्रीनृसिंहाष्टकम् ६
(मत्तमयूरीवृत्तम्)
सद्रूपेणादौ विलसन्तं श्रुतिगानम् ।
पूर्णब्रह्मानन्दमनादि विगतानम् ।
पश्चात्तं मायागुणयुक्तं सृजनेऽहम् ।
वन्दे भक्तामरवृक्षं नरसिंहम् ॥ १॥ ध्रु. ॥
प्रेम्णा पद्मालालितपादं भगवन्तम् ।
ब्रह्मेन्द्राद्यैः सिद्धमुनीन्द्रैर्नतदेहम् । वन्दे ॥ २॥
विद्युद्दस्त्रं पङ्कजनेत्रं स्मितहास्यं
विश्वाधारं पूतचरित्रं द्युडुपास्यम् ।
मेघश्यामं सर्वगरुत्मत्प्रतिवाहं
वन्दे भक्तामरवृक्षं नरसिंहम् । वन्दे ॥ ३॥
त्रस्तैर्देवैर्दानवभीत्यानुतपादं
योविर्भूत्वा मोदं कृतवान् सुरवृन्दम् ।
प्रह्लादार्थं संसदि स्तम्भे धृतदेहं
वन्दे भक्तामरवृक्षं नरसिंहम् । वन्दे ॥ ४॥
उग्रं रूपं यो धृतवान्वै सुभीष्मं
भासाल्लुतं सुर्यजतेजः खलु ग्रेष्मम् ।
हर्यक्षास्यं दुर्जनचित्तोधृतमोहं
वन्दे भक्तामरवृक्षं नरसिंहम् । वन्दे ॥ ५॥
ऊरौ धृत्वा पाणिजभिन्नासुरपालं
निष्कास्यान्त्रान् कन्धरदेशे कृतमालम् ।
रौद्रदृश्यान्याशितमांसादि समूहं
वन्दे भक्तामरवृक्षं नरसिंहम् । वन्दे ॥ ६॥
दूरस्थैर्नखैः सुनृतं सुरपालं
भक्त्या तुष्टालिङ्गितवान्यो रिपुबालम् ।
शान्त कान्तं पालितसद्यं पददेहं
वन्दे भक्तामरवृक्षं नरसिंहम् । वन्दे ॥ ७॥
मायातीतं सर्वसुपूज्यं कमलेशं
स्वान्तारामं ध्यानसुगम्यं परमेशम् ।
भीमातीरे सङ्गमदेशे कृतगेहं
वन्दे भक्तामरवृक्षं नरसिंहम् । वन्दे ॥ ८॥
दत्तात्रेयं पालय दीनं भवभीतं
प्रेम्णान्धिप्रान्तेऽर्पितवाणिं यतचित्तम् ।
सौख्यं दत्वा ते नय मां त्वं निजदेहं
वन्दे भक्तामरवृक्षं नरसिंहम् । वन्दे ॥ ९॥
इति श्रीनृसिंहाष्टकं सम्पूर्णम् ।
Proofread by M K Barman