श्रीनृसिंहभुजङ्गप्रयातस्तोत्रम् २
ॐ नमः सर्वगीर्वाणकोटीरकोटिस्फुरद्रननिर्यलनीराजिताम् ।
शरच्चन्द्रकोटिप्रभाभासुराङ्गं नमस्कुर्महे वीरलक्ष्मीनृसिंहम् ॥ १॥
सभास्तम्भनिर्भेदनाविर्भवन्तं ध्वनिस्तम्भिताशेषदं भोलिकेलिम् ।
प्रचण्डस्फुरत्काण्डचण्डाट्टहासं नमस्कुर्महे वीरलक्ष्मीनृसिंहम् ॥ २॥
हिरण्याक्षवक्षोगणाध्यक्षवक्षो शिला क्षोददक्षोग्रजायं नखाग्रम् ।
प्रतिस्पर्धिदैत्येन्द्रमत्तेभसिंहं नमस्कुर्महे वीरलक्ष्मीनृसिंहम् ॥ ३॥
किराटान्तसद्रत्नदैदीप्यमानं ज्वलत्तारहारावलिं चारुकण्ठम् ।
क्वणत्कङ्कणोदारकेयूरहारं नमस्कुर्महे वीरलक्ष्मीनृसिंहम् ॥ ४॥
चलच्चञ्चलाकारचेचित्कराग्रं ज्वलत्कीलकालानलाभीमनेत्रम् ।
महोदग्रदंष्ट्राकरालोग्रवक्त्रं नमस्कुर्महे वीरलक्ष्मीनृसिंह ॥ ५॥
रमावक्त्रपूर्णेदुसन्दर्शनैकं प्रशान्तोद्भटाटोपकोपावलेयम् ।
समस्तागमस्तोमसंस्तूयमानं नमस्कुर्महे वीरलक्ष्मीनृसिंहम् ॥ ६॥
त्रयीमस्तकन्यस्तसीमन्तरत्नं महायोगिहृत्पुण्डरीकान्तनेत्रम् ।
परित्राणलोकत्रयं देवरनं नमस्कुर्महे वीरलक्ष्मीनृसिंहम् ॥ ७॥
नमस्ते नमस्ते सदाभक्तबन्धो नमस्ते नमस्ते कृपासारसिन्धो ।
नमस्ते नमस्ते सदावीरलक्ष्मीनृसिंहामराधीश देव प्रसीद ॐ ॥ ८॥
भुजङ्गप्रयादष्टकं त्विष्टकामं पठन् श्रीनृसिंहाङ्कितस्तोत्रमेतत् ।
सतीत्वार्थवद्वारराशीसमग्रं समग्रायुरारोग्यमैश्वर्यमेति ॥ ९॥
इति श्रीमच्छङ्कराचार्यविरचितं नृसिंहभुजङ्गप्रयातस्तोत्रं सम्पूर्णम् ।
Proofread by M K Barman