Shri Nrisimha Stotram 3

 श्रीनृसिंहस्तोत्रम् ३ 
कुन्देन्दुश्शङ्खवर्णः कृतयुगभगवान्पद्मपुष्पप्रदाता
त्रेतायां काञ्चनाभः पुनरपि समये द्वापरे रक्तवर्णः ।
शङ्के सम्प्राप्तकाले कलियुगसमये नीलमेघश्च नाभौ । 
प्रद्योतसृष्टिकर्ता परबलदमनः पातु मां नारसिंहः ॥ १॥

नासाग्रं पीनगण्डं परबलमदनं बद्धकेयुरहारं
वज्रं दंष्ट्राकरालं परिमितगणनः कोटिसूर्याप्तितेजः ।
गाम्भीर्यं पिङ्गलाक्षं भ्रुकिटितटमुखं केशकेशार्धभागं
वन्दे भीमाट्टहासं त्रिभुवनविजयः पातु मां नारसिंहः ॥ २॥

पादद्वन्द्वं धरित्र्यां पटुतरविपुलं मेरुमध्याह्नसेतुं
नाभिं ब्रह्माण्डसिन्धो हृदयमभिमुखं  भूतविध्वंसनेतः ।
आहुश्चक्रं तस्य बाहुं कुलिशनखमुखं चन्द्रसूर्याग्निनेत्रम् ।
वक्त्रं वह्न्यस्य विद्वत्सुरणगविनुतः पातु मां नारसिंहः ॥ ३॥

घोरं भीमं महोग्नं स्फटिककुटिलता भीमपालं पलाक्षं
चोर्ध्वं केशं प्रलयशशिमुखं वज्रदंष्ट्राकरालम् ।
द्वात्रिंशद्बाहूयुग्मं परिखगदाशूलपाशाग्निधारं
वन्दे भीमाट्टहासं नखगुणविजयः पातु मां नारसिंहः ॥ ४॥

गोकण्ठं दारुणान्तं वनवरविटपी डिंडिडिंडोटडिंभं
डिंभं डिंभं डिडिंभं दहमपी दहमः झंप्रझंप्रेस्तु झं प्रैः  । 
तुल्यस्तुल्यस्तुतुल्य त्रिघुघ घुमघुमां कुङ्कुमां कुङ्कुमाङ्गं 
इत्येवं नारसिंहं वहति ककुभतः पातु मे नारसिंहः ॥ ५॥

भूभृद्भूजङ्गं मकरकरकरप्रज्वलज्ज्वालमालं
खर्जन्तं खर्जखर्जं खजखजखजितं खर्जखर्जर्जयन्तम् ।
भूभागं भोगभागं गगगगगहनं कद्रुमुद्धृत्य कण्ठं
स्वच्छं पुच्छं सुकच्छं स्वचितहितकरः पातु मां नारसिंहः ॥ ६॥

झंझं झुंकारकारं जटिमटिजननं जानुरूपं जकारं
हं हं हंसस्वरूपं हयशतककुभं अट्टहासं विवेशम् ।
वंवंवं वायुवेगं सुरवरविनुतं वामनाक्षं सुरेशं
लंलंलंलालिताक्षं नखगुणविजयः पातु मां नारसिंहः ॥ ७॥

यं दृष्ट्वा नारसिंहं विकृतनखमुखं तीक्ष्णदंष्ट्राकरालं
पिङ्गाक्षं स्निग्धवर्णं जितवपुसदृशः कुँचिताग्रोग्रतेजाः ।
भीताऽमी दानवेन्द्रास्सुरभयविनृतिश्शक्तिनिर्मुक्तहस्तं
नासास्यं किं किमेतं क्षं वितजनकजः पातु मां नारसिंहः ॥ ८॥

श्रीवत्साङ्कं त्रिनेत्रं शशिधरधवलं चक्रहस्तं सुरेशं
वेदाङ्गं वेदनादं विनुततनुविदं वेदरूपं स्वरूपम् ।
होंहोंहोंकारकारं हुतवहनयनं प्रज्ज्वलज्ज्वालफालं
क्षंक्षंक्षं बीजरूपं नरहरिविनुतः पातु मां नारसिंहः ॥ ९॥

अहो वीर्यमहो शौर्यं महाबलपराक्रमम् ।
नारसिंहं महादेवं अहोबलमहाबलम् ॥ १०॥

ज्वालाहोबलमालोलः क्रोडाकारं च भार्गवम् ।
योगानन्दं छत्रवटपावनाननमूर्तये ॥ ११॥

श्रीमन्नृसिंह विभवे गरुडध्वजाय
     तापत्रयोपशमनाय भवौषधाय  ।
तृष्णादिवृश्चिकजलाग्निभुजङ्गरोग-
     क्लेशव्ययाय हरये गुरवे नमस्ते ॥

इति श्रीनृसिंहस्तोत्रं सम्पूर्णम् ।


Encoded by Ganesh Kandu kanduganesh at gmail.com
Proofread by Ganesh Kandu, PSA Easwaran