Shri Nrisimha StotraM

 श्रीनृसिंहस्तोत्रम् 
(सुरनिम्नगा वृत्तम्)
भवनाशनैकसमुद्यमं करूणाकरं सुगुणालयं
     निजभक्ततारणरक्षणाय हिरण्यकश्यपुघातिनम् ।
भवमोहदारणकामनाशनदुःखवारणहेतुकं
     भजपावनं सुखसागरं नरसिंहमद्वयरूपिणम् ॥ १॥

गुरू सार्वभौममर्घातकं मुनिसंस्तुतं सुरसेवितं
     अतिशान्तिवारिधिमप्रमेयमनामयं श्रितरक्षणम् ।
भवमोक्षदं बहुशोभनं मुखपङ्कजं निजशान्तिदं
     भजपावनं सुखसागरं नरसिंहमद्वयरूपिणम् ॥ २॥

निजरूपकं विततं शिवं सुविदर्शनायहितत्क्षणं
     अतिभक्तवत्सलरूपिणं किल दारुतः सुसमागतम् ।
अविनाशिनं निजतेजसं शुभकारकं बलरूपिणं
     भजपावनं सुखसागरं नरसिंहमद्वयरूपिणम् ॥ ३॥

अविकारिणं मधुभाषिणं भवतापहारणकोविन्द
     सुजनैःसुकामितदायिनं निजभक्तहृत्सुविराजितम् ।
अतिवीरधीरपराक्रमोत्कटरूपिणं परमेश्वरं
     भजपावनं सुखसागरं नरसिंहमद्वयरूपिणम् ॥ ४॥

जगतोऽस्य कारणमेव सच्चिदनन्तसौख्यमखण्डितं
     सुविधायिमङ्गलविग्रहं तमसःपरं सुमहोज्वलम् ।
निजरूपमित्यतिसुन्दरं खलुसंविभाव्य हृदिस्थितं
     भजपावनं सुखसागरं नरसिंहमद्वयरूपिणम् ॥ ५॥

पञ्चरत्नात्मकं स्तोत्रं श्रीनृसिंहस्य पावनम् ।
     ये पठन्ति मुदाभक्त्या जीवन्मुक्ता भवन्तिते ॥ ६॥

॥ इति श्रीमत् परमहंसपरिव्राजकाचार्य सद्गुरू भगवान
श्रीधरस्वामीमहाराजविरचितं श्रीनृसिंहस्तोत्रं सम्पूर्णम् ।

रचनाकाळः श्रीनृसिंहजन्मोत्सवः
रचनास्थळः वरदपुरम