Nandabhupatikritam Varaha Stotram

नन्दभूपतिकृतं वराहस्तोत्रम् ८

तदाऽऽकाशे विमानेन भ्रमता नन्दभूभृता । वाराहन्तु महद्रूपं दृष्टं ब्रह्माण्डनायकम् ॥ ६॥ अवतीर्य विमानात् सः स्तुतिं तस्याऽकरोत्तदा । नमोऽनन्तस्वरूपाय पुरुषोत्तमनामिने ॥ ७॥ स्वलोकाऽवनसङ्कर्त्रे धरित्र्याः पतये नमः । सर्वतत्त्वनिवासायाऽक्षराधीशाय ते नमः ॥ ८॥ कृष्णनारायणायाऽस्तु नमस्कारस्तु मे पुनः । त्वया पृथ्वी कृपयाऽद्य रक्षिता रक्षिता वयम् ॥ ९॥ अनाधाराश्च राजानः प्रजाश्चाऽप्यविताः प्रभो ! । रक्षणार्थे प्रजानां वै करोषि नूतनं वपुः ॥ १०॥ सर्वशक्तिनिवासोऽसि सर्वरूपात्मने नमः । इति स्तुत्वा ननामाऽसौ राजा वाराहपाद्योः ॥ ११॥ इति श्रीलक्ष्मीनारायणीयसंहितायां प्रथमे कृतयुगसन्ताने ३८८-अध्यायान्तर्गतं नन्दभूपतिकृतं वराहस्तोत्रं सम्पूर्णम् । लक्ष्मीनारायणीयसंहिता । खण्ड १। अध्याय ३८८/६-११॥ lakShmInArAyaNIyasaMhitA . khaNDa 1. adhyAya 388/6-11.. Proofread by PSA Easwaran