Parashuramasya Vrittam Param Shobhanam

परशुरामस्य वृत्तं परं शोभनम्

परशुरामस्य वृत्तं, परं शोभनम् । नौमि पुरूषार्थमित्रं, परं शोभनम् ॥ १॥ वर्तते शम्भुशिष्यस्य तेजोमयम्, जीवनं तत्पवित्रं, परं शोभनम् ॥ २॥ पितृभक्तस्तपस्वी, यती युद्धविद्, सुदृढं तच्चरित्रं, परं शोभनम् ॥ ३॥ भगवता तेन शौर्येण संस्थापितम्, नो हि शीर्षेषु छत्रं, परं शोभनम् ॥ ४॥ जन्मदाता पिता सेवितव्यः सदा, संस्मरामैव मन्त्रं, परं शोभनम् ॥ ५॥ प्रीतवाचा हृदा चेतसा कर्मणा, पूजितं तस्य चित्रं, परं शोभनम् ॥ ६॥ अक्षया त्वागत्तै तृतीया तिथिः अक्षयं तस्य शस्त्रं, परं शोभनम् ॥ ७॥ सम्भवेत्सार्थकं मे कवित्वं कथम्? सूत्रये कीर्ति-पत्रं परं शोभनम् ॥ ८॥ -- प्रेम शङ्कर शर्मा