Pauraih Kritam Shri Krishna Stotram

पौरैः कृतं श्रीकृष्णस्तोत्रम्

हरेराराधनान्युच्चैः प्रतिसौधं पदेपदे । तस्य राज्ये समभवन्महाभागनिधेः शिवे ॥ १२॥ गोवृन्दगोपगोपालगोपीजनमनोहर । गदापाणे गुणातीत गुणाढ्य गरुडध्वज ॥ १३॥ केशिहन्कैटभाराते कंसारे कमलापते ॥ १४॥ कृष्ण केशव कञ्जाक्ष कीनाशभयनाशन । पुरुषोत्तम पापारे पुण्डरीकविलोचन ॥ १५॥ पीतकौशेयवसन पद्मनाभ परात्पर । जनार्द्दन जगन्नाथ जाह्नवीजलजन्मभूः ॥ १६॥ जन्मिनां जन्महरण जञ्जपूकौघनाशन । श्रीवत्सवक्षः श्रीकण्ठ श्रीकर श्रेयसान्निधे ॥ १७॥ श्रीरङ्ग शार्ङ्गकोदण्ड शौरे शीतांशुलोचन । दैत्यारे दानवाराते दामोदर दुरन्तक ॥ १८॥ देवकीहृदयानन्द दन्दशूकेश्वरेशय । विष्णो वैकुण्ठनिलय बाणारे विष्टरश्रवः ॥ १९॥ विष्वक्सेन विभो वीर वनमालिन्बलिप्रिय । त्रिविक्रम त्रिलोकेश चक्रपाणे चतुर्भुज ॥ २.४६.२०॥ इत्यादीनि पवित्राणि नामानि प्रति मन्दिरे । स्त्रीवृद्धबालगोपालवदनोदीरितानि तु ॥ २१॥ श्रूयन्ते यत्र कुत्रापि रम्याणि मधुविद्विषः ॥ इति श्रीस्कन्दपुराणे आवन्त्यखण्डे चतुरशीतिलिङ्गमाहात्म्ये षट्चत्वारिंशाध्यायान्तर्गतं अमात्रजिद्राज्ञः राज्ये पौरैः कृतं श्रीकृष्णस्तोत्रं समाप्तम् । स्कन्दपुराण । आवन्त्यखण्ड । चतुरशीतिखण्ड । अध्याय ४६/१३-२०॥ skandapurANa . AvantyakhaNDa . chaturashItikhaNDa . adhyAya 46/13-20.. Proofread by PSA Easwaran