Payovratasamaye Karaniyam Vishnu Stotram

पयोव्रतसमये करणीयं विष्णुस्तोत्रम्

नमो भगवते तुभ्यं परपुंसे नमो नमः ॥ १७॥ सर्वान्तःकृतवासाय वासुदेवाय साक्षिणे । नमोऽव्यक्ताय सूक्ष्माय व्यक्तपुंसे नमो नमः ॥ १८॥ चतुर्विशतितत्त्वाय विकृतिहेतवे नमः । नमो द्विमूर्ध्ने त्रिपदे चतुःश‍ृङ्गाय सूत्रिणे ॥ १९॥ सप्तहस्ताय क्रतवे वेदत्रयात्मने नमः । महादेवाय रुद्राय वृषभाय नमो नमः ॥ २०॥ यावद्विद्याऽधिष्ठिताय प्राणिनां पतये नमः । नमो हिरण्यकोशाय जगत्प्राणात्मने नमः ॥ २१॥ योगसिद्ध्यैश्वर्यवते योगकर्त्रे च ते नमः । नमः सर्वादिदेवाय नमस्ते चात्मवर्तिने ॥ २२॥ नमस्ते हरिकृष्णाय नरनारायणर्षये । नमः इन्दीवरश्यामवपुषे श्रीमते नमः ॥ २३॥ नमस्ते केशवानन्त! पीतवस्त्रवते नमः । वरदाता वरेण्यश्च त्वं जनाभीष्टदः प्रभुः ॥ २४॥ उपासिता मोक्षदा वै तव पादादिरेणवः । देवास्त्वामनुवर्तन्ते स्थिता श्रीस्तव पादयोः ॥ २५॥ स्पृहयामि कृपाऽऽमोदं भगवन्मे प्रसीदताम् । इति संस्तूय तं कृष्णमावाहयेज्जगद्गुरुम् ॥ २६॥ इति श्रीलक्ष्मीनारायणीयसंहितायां प्रथमे कृतयुगसन्ताने १४८-अध्यायान्तर्गतं पयोव्रतसमये करणीयं विष्णुस्तोत्रं सम्पूर्णम् । लक्ष्मीनारायणीयसंहिता । खण्ड १। अध्याय १४८/१७-२६॥ lakShmInArAyaNIyasaMhitA . khaNDa 1. adhyAya 148/17-26.. Proofread by PSA Easwaran