Pitamahakritam Shri Krishna Stotram

पितामहकृतं श्रीकृष्णस्तोत्रम्

पितामह उवाच । निहत्य दानवपतीन्महावर्ष्मा महाबलः । एष देवो महायोगी भूतात्मा भूतभावनः ॥ २९॥ सर्वभूतेश्वरो योगी योनिरात्मा तथात्मनः । स्थिरीभवत कृष्णोऽयं सर्वपापप्रणाशनः ॥ ३०॥ कृत्वा कर्मातिसाध्वेतदशक्यममितप्रभः । समायातः स्वमात्मानं महाभागो महाद्युतिः । पद्मनाभो महायोगी भूतात्मा भूतभावनः ॥ ३१॥ न सन्तापो न भीः कार्या शोको वा सुरसत्तमाः । विधिरेष प्रभावश्च कालः सङ्क्षयकारकः । लोकान्धारयतानेन नादो मुक्तो महात्मना ॥ ३२॥ स एव हि महाभागः सर्वलोकनमस्कृतः । अच्युतः पुण्डरीकाक्षः सर्वभूतसमुद्भवः ॥ ३३॥ इति महाभारते शान्तिपर्वणि २०२ अध्यायान्तर्गतं पितामहकृतं श्रीकृष्णस्तोत्रं सम्पूर्णम् । महाभारत । शान्तिपर्व । अध्याय २०२/२९-३३॥ mahAbhArata . shAntiparva . adhyAya 202/29-33.. Proofread by PSA Easwaran