प्रह्लादकृतनृसिंहस्तोत्रम् ६
प्रह्लाद उवाच-
जयदेव जगन्नाथ सर्वजीवनसेवधे ।
सुधालोकलवामोद जीविताखिलवृत्तिद ॥ १॥
जय मायामहोर्मीणामाकरानन्दसागर ।
ब्रह्माण्डबुद्धदोन्नद्ध विलासाकुलरोधस ॥ २॥
जयानन्त महाभाग मोक्षलक्ष्मीं महीं कुरु ।
ब्रह्मभावफलोद्यानचिदेकामरपादप ॥ ३॥
जयकाममहावल्ली सङ्घरोपितसत्फलैः ।
विस्तृतावनिसौराज्य सदेकानन्द गव्हर ॥ ४॥
जय जीवमहामोहबन्धध्वंसनपण्डित ।
जयदेव वरेशान वरदाधीश सत्पते ॥ ५॥
जयस्वर्लोककर्तव्य लक्षम्या सम्भृतसद्वर ।
जयाश्रितमहालाभ महोदय जगत्पते ॥ ६॥
जयमोहातिमायेश कालकाल नृसिंह भो ।
जयग्रस्तमहामृत्यो प्रसीद करुणानिधे ॥ ७॥
त्वमेव स्तुतिरीशान स्तोतास्तुत्यस्त्वमीश्वर ।
न जाने त्वत्परं देव भूम्नः सदसदात्मकम् ॥ ८॥
इति प्रह्लादकृतनृसिंहस्तुतिः सम्पूर्णा ।
Proofread by M K Barman