Sanakadikakritah Shri Hari Stuti

 सनकादिककृताः श्रीहरिस्तुतिः 

(वसन्ततिलकम्)
स्वामिन् हरेऽक्षरपते कमनीयमूर्त
आनन्दकन्द निगमागमगीतकीर्ते ।
नैकाण्डनायक विभो गुणवारिराशे
वन्दामहे परमहंसगतिं मुहुस्त्वाम् ॥ १॥

त्वं वै परात्परतरे परमे स्वकीये
धान्यक्षरे परमसौख्यमहापयोधे ।
संसेवितः परममुक्तगणैः सदैव
संराजसे परमपूज्यपदारविन्दः ॥ २॥

दिव्याद्भुतानवधिकातिशयस्वसिद्ध-
सौशील्यकारुणिकतादिगुणैकधामन् ।
आत्यन्तिकीं ननु विमुक्तिमिह प्रदातुं
नृभ्यस्त्वया नटवद् धृतमस्ति नाट्यम् ॥ ३॥

त्वत्तः प्रभो परममैश्वरमाप्य सर्वे
श्रीवासुदेवरघुनन्दनदत्तमुख्याः ।
आदेशतो ह्यवतरा भगवंस्तवैव
क्षोणीतले प्रतियुगं किल सम्भवन्ति ॥ ४॥

ये ते वदन्ति सकलावतरैकहेतोः
साम्यं च तैरवतरैः प्रकटप्रताप ।
जानन्ति मन्दमतयो न हि तेऽवतारिन्
सर्वेश्वरस्य कि
त्वामेव नाथ सततं फणिनायकाद्या
व्यासादयो मुनिवराश्च पुराणदक्षाः ।
गायन्ति ते चरणपद्मसुसक्तचित्ता-
श्चैवं भवो हरिरजश्च सुराः समस्ताः ॥ ६॥

स्वामिन्नपरमहिमँस्तव सन्महिम्नः
पारं न यान्ति निखिला अपि चाक्षराद्याः ।
व्योम्नो यथा गरुडमुख्यपतत्त्रयश्च
नक्रादयश्च जलजा जलधेर्यथैवम् ॥ ७॥

साक्षात्त्वदीयपरमेक्षणतः प्रमोदं
प्राप्ताः स्वतन्त्र कृतकृत्यतमाश्च जाताः ।
धर्मात्मज स्वशरणागतवत्सलेश
वन्दाम मुनिपतिं पुरुषोत्तमं त्वाम् ॥ ८॥

इति श्रीस्वामिनारायणबापाचरित्रामृतसागरे प्रथमप्रवाहे
चतुर्विंशतितमे तरङ्गे सनकादिककृताः श्रीहरिस्तुतिः सम्पूर्णा ।