Shishupalakritam Shri Krishna Stotram

शिशुपालकृतं श्रीकृष्णस्तोत्रम्

शिशुपाल उवाच । वेदानां जनकोऽसि त्वं वेदाङ्गानां च माधव । सुराणामसुराणां च प्राकृतानां च देहिनाम् ॥ २९॥ सूक्ष्मां विधाय सृष्टिं च कल्पभेदं करोषि च । मायया च स्वयं ब्रह्मा शङ्करः शषे एव च ॥ ३०॥ मनवो मुनयश्चैव देवाश्च सृष्टिपालकाः । कलांशेनापि कलया दिक्पालाश्च ग्रहादयः ॥ ३१॥ स्वयं पुमान्स्वयं स्त्री च स्वयमेव नपुंसकः । कारणं च स्वयं कार्यं जन्यश्च जनकः स्वयम् ॥ ३२॥ यन्त्रस्य च गुणो देषो यन्त्रिणश्च श्रुतौ श्रुतम् । सर्वे यन्त्रा भवान्यन्त्री त्वयि सर्वं प्रतिष्ठितम् ॥ ३३॥ मम क्षमस्वापराधं मूढस्य द्वारिणस्तव । ब्रह्मशापात्कुबुद्धेश्च रक्ष रक्ष जगद्गुरो ॥ ३४॥ इत्येवमुक्त्वा क्रमतो जयो विजय एव च । मुदा तौ ययतुः शीघ्रं वैकुण्ठद्वारमीप्सितम् ॥ ३५॥ इति श्रीब्रह्मवैवर्तपुराणे श्रीकृष्णजन्मखण्डे उत्तरे त्रयोदशाधिकशाततमाध्यायान्तर्गतं शिशुपालकृतं श्रीकृष्णस्तोत्रं समाप्तम् । ब्रह्मवैवर्तपुराण । श्रीकृष्णजन्म, उत्तरभाग । अध्याय ११३/२९-३४॥ brahmavaivartapurANa . shrIkRRiShNajanma, uttarabhAga . adhyAya 113/29-34.. Proofread by PSA Easwaran