Shri Stambhavirbhava Narasimha Stotram

 श्रीस्तम्भाविर्भावनरसिंहस्तोत्रम् 
सहस्रभास्करस्फुरत्प्रभाक्षदुर्निरीक्षणं
      प्रभग्नक्रूरकृद्धिरण्यकश्यपोरुरस्थलम् ।
अजस्रजाण्डकर्परप्रभग्नरौद्रगर्जन-
      मुदग्रनिग्रहाग्रहोग्रविग्रहाकृतिं भजे ॥ १॥

स्वयम्भुशम्भुजम्भजित्प्रमुख्यदिव्यसम्भ्रमं
      द्विजृम्भमध्यदुत्कटोग्रदैत्यकुम्भकुम्भिनिन्- ।
-अनर्गलाट्टहासनिस्पृहाष्टदिग्गजार्भटिन्
      युगान्तिमान्तमत्कृतान्तधिक्कृतान्तकं भजे ॥ २॥

जगज्ज्वलद्दहद्ग्रसत्प्रहस्फुरन्मुखार्भटिं
      महद्भयद्भवद्दहग्रसल्लसत्कृताकृतिम् ।
हिरण्यकश्यपोसहस्रसंहरत्समर्थकृ-
      -न्मुहुर्मुहुर्मुहुर्गलध्वनन्नृसिंह रक्ष माम् ॥ ३॥

दरिद्रदेवि दुष्टदृष्टि दुःख दुर्भरं हरं
      नवग्रहोग्रवक्रदोषणादिव्याधि निग्रहम् ।
परौषधादिमन्त्रयन्त्रतन्त्रकृत्रिमंहनं
      अकालमृत्युमृत्युमृत्युमुग्रमूर्तिणं भजे ॥ ४॥

जयत्यवक्रविक्रमक्रमक्रमक्रियाहरं
      स्फुरत्सहस्रविस्फुलिङ्गभास्करप्रभाग्रसत् ।
धगद्धगद्धगल्लसन्महद्भ्रमत्सुदर्शनो-
      न्मदेभभित्स्वरूपभृद्भवत्कृपारसामृतम् ॥ ५॥

विपक्षपक्षराक्षसाक्षमाक्षरूक्षवीक्षणं
      सदाऽक्षयत्कृपाकटाक्षलक्ष्मलक्ष्मिवक्षसम् ।
विचक्षणं विलक्षणं प्रतीक्षणं परीक्षणं
      परीक्ष दीक्ष रक्ष शिक्ष साक्षिणं क्षमं भजे ॥ ६॥

अपूर्व शौर्य धैर्य वीर्य दुर्निवार्य दुर्गम-
      मकार्यकृद्धनार्य गर्वपर्वतप्रहार्यसत् ।
प्रचार्यसर्वनिर्वहस्तुपर्यवर्यपर्विणं
      सदार्यकार्यभार्यभृद्दुदारवर्यणं भजे ॥ ७॥

प्रपत्तिनार्द्रनाभनाभिवन्दनप्रदक्षिणा
      नताननाङ्गवाङ्मनःस्मरज्जपस्तुवद्गदा ।
अश्रुपूर्णार्द्रपूर्णभक्तिपारवश्यता
      सकृत्क्रियाचरद्धवत्कृपा नृसिंह रक्ष माम् ॥ ८॥

करालवक्त्र कर्कशोग्र वज्रदंष्ट्रमुज्ज्वलं
      कुठारखड्गकुन्तरोमराङ्कुशोन्नखायुधम् ।
महद्भ्रयूधभग्नसञ्चलज्ञता सटालकं
      जगत्प्रमूर्छिताट्टहासचक्रवर्तिणं भजे ॥ ९॥

नवग्रहाऽपमृत्युगण्ड वास्तुरोग वृश्चिका-
      -ऽग्नि वाडवाग्नि काननाग्नि शतृमण्डल ।
प्रवाह क्षुत्पिपास दुःख तस्कर प्रयोग दु-
      -ष्प्रमादसङ्कटात्सदा नृसिंह रक्ष मां प्रभो ॥ १०॥

फलश्रुति समर्पणम् ।
इदं नृसिंह स्तम्भ सम्भ वावतारसंस्तवं
      वराकलङ्क वंश्य वेङ्कटाभिधान वैष्णवो ।
समर्पितोऽस्मि सर्वदा नृसिंह दास्यतेच्छया
      रमाङ्क यादशैलनारसिंह तेङ्घ्रिसन्निधौ ॥ ११॥

उग्रं वीरं महाविष्णुं ज्वलन्तं सर्वतोमुखम् ।
नृसिंहं भीषणं भद्रं मृत्योर्मृत्युर्नमाम्यहम् ॥

इति श्रीवेङ्कटरमणाचार्यविरचितं
              स्तम्भाविर्भावनरसिंहस्तोत्रं सम्पूर्णम् ।

The text is provided by shrIchakravartula sudhanvAchArya,
the grandson of the composer, Shri Venkataramana