Shri Venkatesha Stotram 5

श्रीवेङ्कटेशस्तोत्रम् ५

%४४ व्येमित्यव्ययमाख्यातं मुनिभिः पापवाचकम् । कटते नाशनार्थत्वात्पापहा वेङ्कटेश्वरः ॥ १॥ यो भक्तरक्षणार्थाय विष्णुर्वैकुण्ठवास्ययम् । शेषाचले महालक्ष्म्या सह तिष्ठति वेङ्कटः ॥ २॥ चतुर्बाहुरुदाराङ्गो निजलाञ्छनलाञ्छितः । वेङ्कटेश इति ख्यातो देवः पद्मावतीप्रियः ॥ ३॥ शेषाचलं महत्तुङ्गं सर्वसम्पत्समन्वितम् । वैकुण्ठतुल्यमकरोच्छ्रीनिवासः स नोऽवतु ॥ ४॥ यद्दर्शनार्थमखिला ऋषियोगिसुरादयः । आयान्ति परया भक्त्या सपत्नीकाश्च सानुगाः ॥ ५॥ विशेषादाश्विने मासे महोत्सवदिदृक्षवः । भक्तानुकम्पी भगवान्वेङ्कटेशः स नोऽवतु ॥ ६॥ स त्वं मां पाहि देवेश लक्ष्मीश गरुडध्वज । सर्वापत्तिविनाशाय प्रसन्नो भव सर्वदा ॥ ७॥ प्रसीद लक्ष्मीरमण प्रसीद प्रसीद शेषाद्रिशय प्रसीद । दारिद्र्यदुःखौघभयं हरन्तं तं वेङ्कटेशं शरणं प्रपद्ये ॥ ८॥ इति श्रीवासुदेवानन्दसरस्वतीविरचितं श्रीवेङ्कटेशस्तोत्रं सम्पूर्णम् ।