Vishnuna Parashuramaya Proktam Kavacham

 विष्णुना परशुरामाय प्रोक्तं कवचम् 

विष्णुः कवचमादाय रामं प्रति समाययौ ॥ ६२॥

ददौ समन्त्रं परशुरामाय तच्छृणु प्रिये ।
``ॐ श्रीकमलवासिन्यै स्वाहा'' मन्त्रं ददौ ततः ॥ ६३॥

प्रजापतिः ऋषिर्यस्य छन्दश्च बृहती तथा ।
देवी पद्मालया यस्य चतुर्वर्गं नियोजनम् ॥ ६४॥

ॐ श्रीकमलवासिन्यै स्वाहा मे पातु मस्तकम् ।
ॐ श्री कपालं मे पातु लोचने श्रींश्रियै नमः ॥ ६५॥

ओ श्रींश्रियै स्वाहेति वै कर्णयुग्मं सदाऽवतु ।
ॐ श्रीङ्क्लीं महालक्ष्म्यै स्वाहा मे पातु नासिकाम् ॥ ६६॥

ॐ श्रीं पद्मालयायै च स्वाहा दन्तान् सदाऽवतु ।
औश्रीं कृष्णप्रियायै च दन्तरन्ध्रान् सदाऽवतु ॥ ६७॥

ॐ श्रीनारायणेशायै मम कण्ठं सदाऽवतु ।
ॐ श्रीं केशवकान्तायै मम स्कन्धं सदाऽवतु ॥ ६८॥

ॐ श्रीं पद्मनिवासिन्यै स्वाहा नाभिं सदाऽवतु ।
ॐ ह्रीं श्रीं संसारमात्रे मम वक्षः सदाऽवतु ॥ ६९॥

ॐ श्रीम्मों कृष्णकान्तायै स्वाहा पृष्ठं सदाऽवतु ।
ॐ ह्रींश्रीं श्रियै स्वाहा च मम हस्तौ सदाऽवतु ॥ ७०॥

ॐ श्रीनिवासकान्तायै मम पादौ सदाऽवतु ।
ॐ श्रींह्रीङ्क्लीं श्रियै स्वाहा सर्वाङ्गं मे सदाऽवतु ॥ ७१॥

प्राच्यां पातु महालक्ष्मीराग्नेय्यां कमलालया ।
पद्मा मां दक्षिणे पातु नैरृत्यां श्रीहरिप्रिया ॥ ७२॥

पद्मालया पश्चिमे मां वायव्यां पातु मां स्वयम् ।
उत्तरे कमला पातु चैशान्यां सिन्धुकन्यका ॥ ७३॥

नारायणी च पातूर्ध्वमधो विष्णुप्रियाऽवतु ।
सन्ततं सर्वतः पातु विष्णुप्राणाधिका मम ॥ ७४॥

इति सर्वैश्वर्यप्रदं वर्म बाहौ सुधारय ।
देवेन्द्रैश्चासुरेन्द्रैश्चाऽवध्यो भवसि निश्चितम् ॥ ७५॥

इत्युक्त्वा कवचं दत्वा ययौ वैकुण्ठमच्युतः ।

इति श्रीलक्ष्मीनारायणीयसंहितायां प्रथमे कृतयुगसन्ताने ४५८-अध्यायान्तर्गतं
विष्णुना परशुरामाय प्रोक्तं कवचम् ।

लक्ष्मीनारायणीयसंहिता । खण्ड १। अध्याय ४५८/६२-७५॥


lakShmInArAyaNIyasaMhitA . khaNDa 1. adhyAya 458/62-75..

Proofread by PSA Easwaran