Vipraih Kritam Svapatnisvikaranam

विप्रैः कृतं स्वपत्नीस्वीकरणम्

ब्राह्मणा ऊचुः । अहोऽतिधन्या यूयं च दृष्टो युष्माभिरीश्वरः । अस्माकं जीवनं व्यर्थं वेदपाठोऽप्यनर्थकः ॥ ६६॥ वेदे पुराणे सर्वत्र विद्वद्भिः परिकीर्तिताः । हरेर्विभूतयः सर्वाः सर्वेषां जनको हरिः ॥ ६७॥ तपो जपो व्रतं ज्ञानं वेदा ध्ययनमर्चनम् । तीर्थस्नानमनशनं सर्वेषां फलदो हरिः ॥ ६८॥ श्रीकृष्णः सेवितो येन किं तस्य तपसां फलैः । प्राप्तः कल्पतरुर्येन किं तस्यान्येन शाखिना ॥ ६९॥ श्रीकृष्णो हृदये यस्य तस्य किं कर्मभिः कृतैः । किं वा न सागरस्यैव पौरुषं कूपलङ्घने ॥ ७०॥ इत्येवमुक्त्वा विप्राश्च गृहीत्वा कामिनीवराः । आजग्मुः स्वगृहं हृष्टास्ताभिः सार्धं च रेमिरे ॥ ७१॥ इति श्रीब्रह्मवैवर्तपुराणे श्रीकृष्णजन्मखण्डे पूर्वे अष्टादशाध्यायान्तर्गतं विप्रैः कृतं स्वपत्नीस्स्वीकरणं समाप्तम् । ब्रह्मवैवर्तपुराण । श्रीकृष्णजन्म, पूर्वभाग । अध्याय १८/६६-७०॥ brahmavaivartapurANa . shrIkRRiShNajanma, pUrvabhAga . adhyAya 18/66-70.. Proofread by PSA Easwaran