Vyasaproktam Harimahatmyam

 व्यासप्रोक्तं हरिमाहात्म्यम् 

परिनिर्मथ्य वाग्जालं सुनिश्चित्यासकृद्बहु ।
इदमेकं परिज्ञातं सेव्यः सर्वेश्वरो हरिः ॥ ११॥

वेदे रामायणे चैव पुराणेषु च भारते ।
आदिमध्यावसानेषु हरिरेकोऽत्र नापरः ॥ १२॥

सत्यं सत्यं पुनः सत्यं त्रिसत्यं न मृषा पुनः ।
न वेदादपरं शास्त्रं न देवोऽच्युततः परः ॥ १३॥

लक्ष्मीशः सर्वदो नान्यो लक्ष्मीशोऽप्यपवर्गदः ।
एक एव हि लक्ष्मीशस्ततो ध्येयो न चापरः ॥ १४॥

भुक्तेर्मुक्तेरिहान्यत्र नान्यो दाता जनार्दनात् ।
तस्माच्चतुर्भुजो नित्यं सेवनीयः सुखेप्सुभिः ॥ १५॥

विहाय केशवादन्यं ये सेवन्तेऽल्पमेधसः ।
संसारचक्रे गहने ते विशन्ति पुनःपुनः ॥ १६॥

एक एव हि सर्वेशो हृषीकेशः परात्परः ।
तं सेवमानः सततं सेव्यस्त्रिजगतां भवेत् ॥ १७॥

एको धर्मप्रदो विष्णुस्त्वेको बह्वर्थदो हरिः ।
एकः कामप्रदश्चक्री त्वेको मोक्षप्रदोऽच्युतः ॥ १८॥

शार्ङ्गिणं ये परित्यज्य देवमन्यमुपासते ।
ते सद्भिश्च बहिष्कार्या वेदहीना यथा द्विजाः ॥ १९॥

इति श्रीस्कादपुराणे काशीखण्डे पूर्वार्द्धे प्ञचनवतितमा- ध्यायान्तर्गतं
         व्यासप्रोक्तं विष्णुमाहात्म्यस्तोत्रं समाप्तम् ।

स्कन्दपुराण । काशीखण्ड । उत्तरखण्ड । अध्याय ९५/११-१९॥


skandapurANa . kAshIkhaNDa . uttarakhaNDa . adhyAya 95/11-19..

Proofread by PSA Easwaran