Ardranandakari Tritiyavrata Stotram

आर्द्रानन्दकरी तृतीयाव्रतस्तोत्रम्

वासुदेव्यै नमः पादौ शङ्कराय नमो हरेः । जङ्घे शोकविनाशिन्यायानन्दाय नमः प्रभो ॥ ५॥ रम्भायै पूजयेदूरू शिवाय च पिनाकिनः । आदित्यै च कटिं पूज्या शूलिनः शूलपाणये ॥ ६॥ माधव्यै च तथा नाभिमथ शम्भोर्भवाय वै । स्तनावानन्दकारिण्यै शङ्करायेन्दुधारिणे ॥ ७॥ उत्कण्ठिन्यै नमः कण्ठं नीलकण्ठाय वै हरेः । करावुत्पलधारिण्यै रुद्राय जगतीपतेः ॥ ८॥ बाहुं च परिरम्भिण्यै नृत्यशीलाय वै हरेः ॥ ९॥ देव्या मुखं विलासिन्यै वृषेशाय पुनर्विभोः । स्मितं सस्मरशीलायै विश्ववक्त्राय वै विभोः ॥ १०॥ नेत्रं मदनवासिन्यै विश्वधाम्ने त्रिशूलिने । भ्रुवौ रतिप्रियायै च ताण्डवेशाय वै विभोः ॥ ११॥ देव्यै ललाटमिन्द्राण्यै हव्यवाहाय वै विभोः । स्वाहायै मुकुटं देव्या विभोः पञ्चशराय वै ॥ १२॥ विश्वकायै विश्वमुख्यै विश्वपादकरौ शिवौ । प्रसन्नवदनौ वन्दे पार्वतीपरमेश्वरौ ॥ १३॥ इति भविष्यपुराणे उत्तरपर्वणि सप्तविंशाध्यायान्तर्गतं आर्द्रानन्दकरी तृतीयाव्रतस्तोत्रं समाप्तम् । भविष्यपुराण । उत्तरपर्व । अध्याय २७/५-१३॥ bhaviShyapurANa . uttaraparva . adhyAya 27/5-13.. Proofread by PSA Easwaran