अमरवाणीवन्दना
अमरवाणि जय जननि !
त्वं हि सुधामय धाम सुनिर्मल-
शीतल-रस-निर्झरिणी ॥ ध्रुवम्॥
ललितबन्ध-रस-गन्ध-सुकोमल-
फुल्ल-कमल-वन-रम्य-गुणोज्ज्वल-
काव्य-कुञ्ज-तट-नटिनी ॥ १॥ अमरवाणि जय जननि
जय जय नन्दन-वन-हरिचन्दन-
चर्चित-चरणद्वन्द्व-किरण धन-
रञ्जित-पङ्किल-धरणी ॥ २॥ अमरवाणि जय जननि
प्रणव-शिवोज्ज्वल-कल-झङ्कारिणि !
शङ्कित-जन-गण-बल-सञ्चारिणि !
जय जय हे चिरतरुणि ! ॥ ३॥ अमरवाणि जय जननि
- श्री वासुदेव दिवेवेदी शास्त्री