Shri Dhararchanavidhi

 श्रीधरार्चनविधिः 

विष्ण्वर्चनविधिः
सूत उवाच ।
विस्तरेण प्रवक्ष्यामि श्रीधरस्यार्चनं शुभम् ।
परिवारश्च सर्वेषां समो ज्ञेयो हि पण्डितैः ॥ १॥

ॐ श्रां हृदयाय नमः ।
ॐ श्रीं शिरसे स्वाहा ।
ॐ श्रूं शिखायै वषट् ।
ॐ श्रैं कवचाय हुम् ।
ॐ श्रौं नेत्रत्रयाय वौषट् ।
ॐ श्रः अस्त्राय फट् इति ॥ २॥

दर्शयेदात्मनो मुद्रां शङ्खचक्रगदादिकाम् ।
ध्यात्वाऽऽत्मानं श्रीधराख्यं शङ्खचक्रगदाधरम् ॥ ३॥

ततस्तं पूजयेद्देवं मण्डले स्वस्तिकादिके ।
आसनं पूजयेदादौ देवदेवस्य शार्ङ्गिणः ।
एभिर्मन्त्रैर्महादेव तान्मत्राञ्छृणु शङ्कर ॥ ४॥

ॐ श्रीधरासनदेवताः आगच्छत ।
ॐ समस्तपरिवारायाच्युतासनाय नमः ॥ ५॥

ॐ धात्रे नमः ।
ॐ विधात्रे नमः ।
ॐ गङ्गायै नमः ।
ॐ यमुनायै नमः ।
ॐ आधारशक्त्यै नमः ।
ॐ कूर्माय नमः ।
ॐ अनन्ताय नमः ।
ॐ पृथिव्यै नमः ।
ॐ धर्म्माय नमः ।
ॐ ज्ञानाय नमः ।
ॐ वैराग्याय नमः ।
ॐ ऐश्वर्याय नमः ।
ॐ अधर्माय नमः ।
ॐ अज्ञानाय नमः ।
ॐ अवैराग्याय नमः ।
ॐ अनैश्वर्याय नमः ।
ॐ कन्दाय नमः ।
ॐ नालाय नमः ।
ॐ पद्माय नमः ।
ॐ विमलायै नमः ।
ॐ उत्कर्षिण्यै नमः ।
ॐ ज्ञानायै नमः ।
ॐ क्रियायै नमः ।
ॐ योगायै नमः ।
ॐ प्रह्व्यै नमः ।
ॐ सत्यायै नमः ।
ॐ ईशानायै नमः ।
ॐ अनुग्रहायै नमः ॥ ६॥

अर्चयित्वा समं रुद्र हरिमावाह्य संयजेत् ।
मन्त्रैरेभिर्महाप्राज्ञः सर्वपापप्रणाशनैः ॥ ७॥

ॐ ह्रीं श्रीधराय त्रैलोक्यमोहनाय विष्णवे नमः आगच्छ ॥ ८॥

ॐ श्रियै नमः ।
ॐ श्रां हृदयाय नमः ।
ॐ श्रीं शिरसे नमः ।
ॐ श्रूं शिखायै नमः ।
ॐ श्रैं कवचाय नमः ।
ॐ श्रौं नेत्रत्रयाय नमः ।
ॐ श्रः अस्त्राय नमः ।
ॐ शङ्खाय नमः ।
ॐ पद्माय नमः ।
ॐ चक्राय नमः ।
ॐ गदायै नमः ।
ॐ श्रीवत्साय नमः ।
ॐ कौस्तुभ्यै नमः ।
ॐ वनमालायै नमः ।
ॐ पीताम्बराय नमः ।
ॐ ब्रह्मणे नमः ।
ॐ नारदाय नमः ।
ॐ गुरुभ्यो नमः ।
ॐ इन्द्राय नमः ।
ॐ अग्नये नमः ।
ॐ यमाय नमः ।
ॐ निरृतये नमः ।
ॐ वरुणाय नमः ।
ॐ वायवे नमः ।
ॐ सोमाय नमः ।
ॐ ईशानाय नमः ।
ॐ अनन्ताय नमः ।
ॐ ब्रह्मणे नमः ।
ॐ सत्त्वाय नमः ।
ॐ रजसे नमः ।
ॐ तमसे नमः ।
ॐ विष्वक्सेनाय नमः ॥ ९॥

अभिषेकं तथा वस्त्रं ततो यज्ञोपवीतकम् ।
गन्धं पुष्पं तथा धूपं दीपमन्नं प्रदक्षिणम् ॥ १०॥

दद्यादेभिर्महामन्त्रैः समप्यार्थ जपेन्मनुम् ।
शतमष्टोत्तरं चापि जप्त्वा ह्यथ समर्पयेत् ॥ ११॥

ततो मुहूर्त्तमेकन्तु ध्यायेद्देवं हृदि स्थितम् ।
शुद्धस्फटिकसङ्काशं सूर्कोटिसमप्रभम् ॥ १२॥

प्रसन्नवदनं सौम्यं स्फुरन्मकरकुण्डलम् ।
किरीटिनमुदाराङ्गं वनमालासमन्वितम् ॥ १३॥

परब्रह्मस्वरूपं च श्रीधरं चिन्तयेत्सुधीः ।
अनेन चैव स्तोत्रेण स्तुवीत परमेश्वरम् ॥ १४॥

श्रीनिवासाय देवाय नमः श्रीपतये नमः ।
श्रीधराय सशार्ङ्गाय श्रीप्रदाय नमो नमः ॥ १५॥

श्रीवल्लभाय शान्ताय श्रीमते च नमो नमः ।
श्रीपर्वतनिवासाय नमः श्रेयस्कराय च ॥ १६॥

श्रेयसां पतये चैव ह्याश्रमाय नमो नमः ।
नमः श्रेयः स्वरूपाय श्रीकराय नमो नमः ॥ १७॥

शरण्याय वरेण्याय नमो भूयो नमो नमः ।
स्तोत्रं कृत्वा नमस्कृत्य देवदेवं विसर्जयेत् ॥ १८॥

इति रुद्रं समाख्यातां पूजां विष्णोर्महात्मनः ।
यः करोति महाभक्त्या स याति परमं पदम् ॥ १९॥

यः पठतेऽध्यायं विष्णुपूजाप्रकाशकम् ।
स विधूयेत पापानि याति विष्णोः परं पदम् ॥ २०॥

इति श्रीगारुडे महापुराणे पूर्वखण्डे प्रथमांशाख्ये आचारकाण्डे ।
श्रीधरा(विष्ण्व)र्चनविधिर्नाम त्रिंशोऽध्यायः ॥ ३०॥

गरुडपुराण । पूर्वखण्ड । अध्याय ३०/१३-१६॥


garuDapurANa . pUrvakhaNDa . adhyAya 30/13-16..

Proofread by PSA Easwaran