Himadri Vaibhavam Haimakunda

 हिमाद्रिवैभवम्हैमकुण्ड 
(हैमकुण्ड पुष्पधाटी च)
(गीतिका) (मात्रासमक जाति)
जय जय जय हे हैम-सुकुण्डम् ।
     सिक्ख-धर्म-सपूजित-रत्नम् ।
गुरु-गोविन्द-तपस्या-भूमिः
     लक्ष्मण-मन्दिर-शोभित-भूमिः ॥ जय०॥

हैमकुण्डमिदमद्भुत-मूर्तिः
     हिम-गिरि-शोभित-हिममय-मूर्तिः ।
हिमाच्छादित हिममय-वारिं
     हैम-प्रपात पात-द्वय-रम्यम् ॥ जय०॥

घाघरियातं  कठिने मार्गे,
     स्थितः सदा हैमावृत एव ।
सतत हिमानी सुषमा-हृद्यः
     गुरुद्वाराऽऽश्रित-गौरव-कीर्तिः ॥ जय०॥

मार्गे तत्र सोपान-सहस्रं
     कठिनं क्लिष्टं सतत-सदुर्गम् ।
आरुह्यैतदजलमुदारं
     कुण्डं प्राप्य शान्ति-सुखमेति ॥ जय०॥

गुरु गोविन्दसिंह-यति-र्वयः
     तीव्रं तप्त्वा तपसा राशिम् ।
म्लेच्छ-त्रास-जनतापं हर्तुं
     भुवमापेदे भव-भय-हर्ता ॥ जय०॥

सिक्ख धर्म शुभ तीर्थमुदारं
     शौर्य-शक्ति-सञ्चार मनोज्ञम् ।
गुरुद्वारा-दर्शित निजभक्तिः
     सिक्ख-जनाः श्रयते त्वविरामम् ॥ जय०॥

पावनतीर्थं प्रतिपल रम्यं
     शान्ति-सद्म चिर-चिन्तन धामम् ।
जगति तनोतु शान्तिमविरामं
     आत्मिक-शक्तिं वितरतु लोके ॥ जय०॥

हैमकुण्ड ! तव कीर्तिरुदारा
     लोके शान्तिः श्रियं वितनोतु ।
विश्वशान्ति-सन्देशमुदार्यं
     भ्रातृभाव समता प्रथयैच्च ॥ जय०॥

पुष्प-द्रोणि-रियमक्षयकीर्तिः,
     गन्धमादनाद्रि सुविख्यातः ।
कठिन हिमानी-पार व्याप्ता
     क्रोशद्वय सुम शोभा-राशिः ॥ जय०॥

नैसर्गिक-सुमनोभिरभिख्या
     लभते मासत्रयं सुषमाढया ।
पुष्पद्रोणि हृत्वा खेदं
     कोमलभावं तनुयाच्चित्ते ॥ जय०॥


Proofread by Mandar Mali