हिमालयवन्दना
जय जय वीर हिमालय ! वन्दे
देवी - देव - विहार । वनस्थल !
पुण्य - तीर्थशत - सेवित ! निर्मल !
सिद्धि - योगिजन - वन्दित ! अम्बर -
चुम्बि - चारु - शृङ्गालय ! वन्दे
ऋषि - महर्षि - मुनि - संस्तुत - वैभव !
कालिदास कवि - कीर्तित - गौरव !
भारतीयजन - मानस - मन्दिर
महादेव ! गरिमालय ! वन्दे
मानसरोवर - लहरी - झङ्कृत !
श्री कैलास शिखर - समलङ्कृत !
तिब्बतीय भू - वैभव - भूषित !
वदरीवन - सुषमालय ! वन्दे
तव पदकमलतले नतमस्तक-
मुद्धत रिपु-दलने असिहस्तक
मद्य वृद्ध - शिशु - युव - युवती जन
वृन्दमिदं महिमालय ! वन्दे
अप्रमेयबल ! निर्भय ! निर्जर !
शत्रु - सैन्य - दुर्द्धर्ष ! भयङ्कर !
हीन - चीनजन - पदतल - दूषित
धूलिमलं प्रक्षालय ! वन्दे
जय जय वीर हिमालय ! वन्दे ।
- वासुदेव द्विवेदी शास्त्री
Proofread by Mandar Mali