जयतात् कोमलकेरलधरणि
जय जय जय मामक सुभगे ललिते
जयतात् कोमलकेरलधरणि ।
मामक जननि भार्गवतनये
वीर्यवतां नरसुहृदां मातः ॥
जय जय मामक . . . .
केरकरम्बित सुन्दरगात्रे
कोकिलततिभरसुमुखि पवित्रे ।
मधुरम्भरितैराम्रफलैश्च
ह्यधिकतरं खलु वासितभूमि!
जय जय मामक . . . .
कर्षकमित्रैः पालितभुवने
हर्षभरैश्चोद्यमसहितैः ।
वर्षावर्धितधान्यधने मां
तुष्ट्या नितरां पालय जननि!
जय जय मामक . . . .
तटिनीजलगणभरितो वातः
मधुरो मन्दं वाति च रुचिरम् ।
पत्रसमृद्धैमस्तकभारै-
र्मदभरकेलिमनृत्यन् केराः॥
जय जय मामक . . . .
सागरवीचिभिरनुवेलं किल
केरलतीरमिदं खलु सुभगम् ।
कलकलनिनदैवीचिभिरधुना
कमनीयाभिः पुलकितगात्रे!
जय जय मामक . . . .
--- विजयन् वि. पट्टाम्बि