करुणास्तवः
आचार्यबन्धुबत्तविरचितः ।
स्तुत्वा प्रणम्यमभयङ्करसर्वसत्त्वं
सम्पूर्णचन्द्रवदनाम्बुजपत्रनेत्रम् ।
सर्वज्ञज्ञानमुकुटोज्ज्वलमुक्तिमार्ग
तं पद्मपाणिवरभूषितज्ञानराशिम् ॥ १॥
उत्तुङ्गनाकवरपीनकपोलवक्त्रं
रक्ताधरं हिमतुषारसितासुदन्तम् ।
ब्रह्मेश्वरं श्रुतिधरं मधुरं च वाक्यंश
तं पद्मपाणिमृदुवर्णस्वरं नमामि ॥ २॥
मालाधर कनकरत्नविभूषिताङ्गं
नेत्रत्रयं जटविभूषितबालचन्द्रम् ।
कृष्णाजिनाम्बरधरं च सुवर्णवर्ण
तं पद्मपाणिमृदुगात्रभरं नमामि ॥ ३॥
त्वां लोकनाथमवलोकितनामधेयं
यज्ञोपवीतसुद(शुभ)चञ्चलसर्पराजम् ।
चिन्तामणिप्रवरकुण्डलघृष्टगात्रं
तं पद्मपाणिस्तुतिसर्वकृतं नमामि ॥ ४॥
त्वं ज्ञानराशिवरभाषितसर्वसत्त्वः
संसारकम्पतिमिरार्णवमग्नसत्त्वान्
आलोकिते पदमनुत्तरबोधिमार्ग
पद्मपाणिवरमार्गददनमामि ॥ ५॥
गत्वा च येन नरकेषु-अवीचिमग्नं
शीतीकृतं हृदि विशालरुहं सपद्मम् ।
यो नारकी(क)सकलदुःखमनाशयच्च
त पद्मपाणिनरकाग्निशमं नमामि ॥ ६॥
तं सन्त्रासयन्ति यमपालकमग्नभूमि
हे धर्मराजमिव आगतकामरूपि ।
ये कर्मभूमिमिव ध्वंसति ते निमित्तं
तं पद्मपाणिहतशासनतं (?)नमामि ॥ ७॥
गल्वा च येन वररूपमनोहराय
त्रैलोक्यनाथमभयङ्कर सर्वसत्त्वाः ।
दुःखार्णवे तव स्मराणि विमुक्तिदुःखं
तं पद्मपाणिहतकिल्विषक नमामि ॥ ८॥
त्वं प्रेतलोकगतये करुणावशेन
गी सूचीमुखानुदरपर्वतजीर्णमङ्गान् ।
क्षुत्तृष्णदुःखभयपीडितप्रेतसत्त्वान्
तं पद्मपाणितृषनाशकरं नमामि ॥ ९॥
अन्योन्यभक्षक्षुधपीडितप्रेतसत्त्वाः
सम्पीयते कररुहश्रवते नदीभिः ।
पुष्टि शरीरहतभुक्षतृषातुराणां
तं पद्मपाणिहतभुक्षतृषं नमामि ॥ १०॥
गत्वा तम भुवनवजितचन्द्रसूर्ये
चिन्तामणिज्वलितरत्नप्रभावभासे ।
तं यक्षराक्षसगणश्चरणे नमस्ते
तं पद्मपाणितमभङ्गकृतं नमामि ॥ ११॥
गत्वा च येन बलिभग्नमनोरथस्य
यद्दीयतेऽनुत्तरपिण्डपात्रम् ।
धर्मकथेन परितर्पितदानवेन्द्र
तं पद्मपाणिवरधर्मददं नमामि ॥ १२॥
गत्वा च येन दिवि कुण्डलदेवपुत्रं
दानस्य हीनक्षुधपीडितदुःखितं च ।
तं याचयामि परिपूर्णसमृद्धिरत्नं
तं पद्मपाणिधनवृद्धिकरं नमामि ॥ १३॥
घातस्य त्वं कामरूपमुपदर्शितराक्षसीभिः
कामावशेन चरितं तव राक्षसीभिः ।
चित्तपरिवजितधर्मचित्तं
तं पद्मपाणिबहुरूपधरं नमामि ॥ १४॥
विण्मूत्रभूमिकृमिकोटिसमुद्भवन्ति
गत्वा च येन अलिरूपमनुस्मरन्ति ।
निःसारितं घुणघुणाय ददन्ति धर्म
तं पद्मपाणिमलिरूपधरं नमामि ॥ १५॥
दुभिक्षमागधविशालभवेषु पुष्टि पुष्टि मामला
क्षुत्तृष्णदुःखभयपीडितसर्वसत्त्वाः ।
धान्यादिवृष्टिबहुव्रीहिसमृद्धिरत्नं
तं पद्मपाणिवरकारुणिकं नमामि ॥ १६॥
वाराह-अश्वकृतरूपमहाजवेन
उद्धृत्य येन वणिजो भयराक्षसीभिः ।
क आस्तीर्य तं पवनवेगमहासमुद्र
तं पद्मपाणिजितमृत्युभयं नमामि ॥ १७॥
धातुकं तव भजामि विमुक्तिदुःखं
नानासमाधिपरिपूर्णविचित्रमग्नम् ।
त्वद्रोमकूपनिवसन्ति अनेकसत्त्वाः
तं पद्मपाणिक्षयनाशकरं नमामि ॥ १८॥
नानाभयानि तव नाममनुस्मरन्ति
राज्ञश्च दण्डभयराक्षसचौरभूतैः ।
नद्यादिमार्गहतकन्दर चाग्निदग्धं
तं पद्मपाणिमभयं ददतं नमामि ॥ १९॥
व्याघ्रीभयं खगपिशाचसडाकिनीना-
मापत्सु व्याधिबहुकुष्ठवियोगदुःखम् ।
नाशयन्ति तं पद्मपाणिभयनाशकरं नमामि ॥ २०॥
वैराग्यक्लेशबहु-आपद
शुक्लाष्टमीनियमधर्मममोघपाशं
तस्मै कृतं विजितमिन्द्रियब्रह्मचर्यम् ।
सर्वप्रणम्य निजगेयमशेषपापं
तं पद्मपाणिवरदं सततं नमामि ॥ २१॥
नित्यं वसन् गुणसमृद्धितपोबलेषु
नानाद्रुमैस्तिलकचम्पकपारिजातः ।
रम्यं तडागद्विजश्वापदसेवितं च
तं पद्मपाणिनिरयेषु सदा नमामि ॥ २२॥
देवैः कुबेरवरुणैर्यमवन्दितश्च
गन्धर्वयक्षमुनिदानववन्दितश्च ।
रक्षश्च नागमनुजैश्च नमस्कृतेषु
भूतैः पिशाचगरुडेश्च नमस्कृतेषु ॥ २३॥
ये ये पठन्ति करुणास्तव नित्यकालं
शान्ति च पुष्टिधनवृद्धिषु लब्धकामाः ।
आयुर्विभूतिवरसौख्यविशालभागी
त्रैकालप्राप्तमपि पश्यति लोकनाथम् ॥ २४॥
सङ्कीर्तयन्ति तव वीर्यमहानुभाव
रात्रौ दिवा च तव नाममनुस्मरन्ति ।
दुःस्वप्नविघ्नभयपापविनाशयन्ति
तुष्यन्तु देव सततं तव रक्षयन्ति ॥ २५॥
इति श्रीमदार्यावलोकितेश्वरभट्टारकस्य
श्रीबन्धुदत्ताचार्यकृतः करुणास्तवः समाप्तः ।