मणिकर्णिकाष्टकम्
अथ माहात्म्यम् ।
अनेकजन्मसाहस्रतपोध्यानशिवार्चनैः ।
अद्वैतानन्दसङ्गेन लब्धवेदान्तिसत्पदः ॥ १॥
सदाशिवसुतः शान्तः काश्यां गङ्गाधरः कविः ।
सर्वतीर्थवरां देवीं स्तौति श्रीमणिकर्णिकाम् ॥ २॥
आनन्दकाननमिदं सुखदं पुरैव
तत्रापि चक्रसरसि मणिकर्णिकाथ ।
स्वःसिन्धुसङ्गतिरथो परमास्पदञ्च
विश्वेशितुः किमिह तन्न विमुक्तये यत् ॥ ३॥
गर्जन्ति सर्वतीर्थानि स्वस्वधिष्ट्यगतान्यहो।
केवलं बलमासाद्य सुमहन्माणिकर्णिकम् ॥ ४॥
शिवाद्या देवसङ्घाश्च सनकाद्या महर्षयः।
ते सर्वे स्नातुमायान्ति मध्याह्ने मणिकर्णिकाम् ॥ ५॥
इच्छन्ति मरणं तच्च मुक्तये चामरा अपि।
अतश्च स्वकृतैः श्लोकैस्तां देवीं प्रार्थयेऽन्वहम् ॥ ६॥
अथ मणिकर्णिकाष्टकम् ।
विष्णोः सुतप्ततपसां चलितोतमाङ्ग
विश्वेशितुस्तडिदिवाम्बरतः सुकर्णात् ।
या चक्रतीर्थसलिले ललितापपातः
सा मे सदा शिवकरी मणिकर्णिकास्तु ॥ ७॥
चिन्तामणिस्तनुभृतां सहसान्तकाले
तत्तारकं व्यपदिशत्यथ कर्णिकायाम् ।
यस्यां मृतो न भवमेति भवप्रसादात्
सा मे सदा शिवकरी मणिकर्णिकास्तु ॥ ८॥
चन्द्रांसुका सुनयना धवला कुमारी
वेदैश्च पाणिकमलैर्वरमौक्तिकान्त्या ।
या दृश्यते सुकृतिभिर्वरकाशिकायां
सा मे सदा शिवकरी मणिकर्णिकास्तु ॥ ९॥
मालां सुपङ्कजमयों करकण्ठयोर्या
धत्ते वरोद्यतकरे शुभमातुलाङ्गम् ।
बद्धञ्च पाणियुगलं शुभपश्चिमास्यं
सा मे सदा शिवकरी मणिकर्णिकास्तु ॥ १०॥
दानावगाहसुरपूजनतर्पणादि
यस्यामनन्तफलदं भवति प्रसङ्गात् ।
भक्त्या कृतं यदि सएव जगत्पुनाति
सा मे सदा शिवकरी मणिकर्णिकास्तु ॥ ११॥
स्वर्गस्तृणं भवति चीरधरोऽपि राजा
मृत्युः सखा सुखहरोऽपि शवः शिवः स्यात् ।
पातोऽपि यत्र सुरसम्मत उत्तमाद्या
सा मे सदा शिवकरी मणिकर्णिकास्तु ॥ १२॥
सुप्तोऽपि योगिसमतां समुपैति यत्र
मग्नः स्मरेद्यदि शिवं सतु कालकालः ।
यद्ध्यानतोप्यभयमेति च दूरवासी
सा मे सदा शिवकरी मणिकर्णिकास्तु ॥ १३॥
यत्सङ्गिवायुरपि दूरगतः सुसूक्ष्मः
पातालगं सुरगतं विधिगं करोति ।
जन्तून् पुनाति सकलानपि गां गता या
सा मे सदा शिवकरी मणिकर्णिकास्तु ॥ १४॥
संसारचिन्तामणिरत्र यस्मात्
तत्तारकं सज्जनकर्णिकायाम् ।
शिवोऽभिधत्ते सहसान्तकाले
तहीयतेऽसौ मणिकर्णिकेति ॥ १५॥
मोक्षलक्ष्मीमहापीठमणिस्तचरणाअयोः ।
कर्णिकेति ततः प्राहुर्यां जना मणिकणिकाम् ॥ १६॥
मणिकर्ष्याः स्तोत्रमिदं भुक्तिमुक्तिप्रदम्बरम् ।
पठतां शृणताञ्चास्तु प्रसन्ना मणिकर्णिका ॥ १७॥
इति श्री गङ्गाधरकवि विरचितं श्रीमणिकर्णिकास्तोत्रं सम्पूर्णम् ।
Encoded and proofread by Aaditya Kalyanaraman