मनसा सततं स्मरणीयम् 
 मनसा सततं स्मरणीयम् 


मनसा सततं स्मरणीयं
वचसा सततं वदनीयं
लोकहितं मम करणीयम् ॥ ध्रु.॥

न भोगभवने रमणीयं
न च सुखशयने शयनीयम् ।
अहर्निशं जागरणीयं
लोकहितं मम करणीयम् ॥ १॥

न जातु दुःखं गणनीयं
न च निजसौख्यं मननीयम् ।
कार्यक्षेत्रे त्वरणीयं
लोकहितं मम करणीयम् ॥ २॥

दुःखसागरे तरणीयं
कष्टपर्वते चरणीयम् ।
विपत्तिविपिने भ्रमणीयं
लोकहितं मम करणीयम् ॥ ३॥

गहनारण्ये घनान्धकारे
बन्धुजना ये स्थिता गह्वरे ।
तत्र मया सञ्चरणीयं
लोकहितं मम करणीयम् ॥ ४॥

   - डाॅ श्रीधर भास्कर वर्णेकर


Encoded and proofread by Shubha


% Text title            : Manasa Satatam Smaraniyam
% File name             : manasAsatataMsmaraNIyam.itx
% itxtitle              : manasA satataM smaraNIyam
% engtitle              : manasA satataa MsmaraNIyam
% Category              : misc, sanskritgeet
% Location              : doc_z_misc_general
% Sublocation           : misc
% Author                : Dr. Shridhar Bhaskar Varnekar
% Language              : Sanskrit
% Subject               : philosophy/hinduism/religion
% Transliterated by     : Shubha
% Proofread by          : Shubha
% Indexextra            : (Wiki, Sanskrit-Hindi 1, 2, Meaning 1, 2, 3, Videos 1, 2, 3, 4, 5, 6, Author info 1, 2, 3)
% Latest update         : September 22, 2019
% Send corrections to   : sanskrit at cheerful dot c om
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org