Rashtra Kusumanjali

 राष्ट्रकुसुमाञ्जलिः 
(गीतिका) (मात्रासमक जाति)
कुसुमाञ्जलिरयमुपवित-भावो
     देशभक्त-चरणेषु समप्य ।
करुणा मुदिता हुत-वर चित्तो
     देशभक्ति-शुभ भाव सनाथः ॥ कुसुमा०॥

निज-सुख-लाभ-दुःख-परिहीणैः
     माया-ममता-मोह विहीनैः ।
मातृभूमि-गुण-गरिमाऽऽकृष्टैः
     वीरैर्भाग्यवती वसुधेयम् ॥ कुसुमा०॥

येषां कृतिं ततिरद्य सुवासा
     कोटि-कोटि जन मानस- हासा ।
शक्ति-भक्ति-मति-बोधन-कर्त्री
     तेषां जनिरिह गौरव धर्त्री ॥ कुसुमा०॥

पाप-ताप-भय-शोषण-क्षुब्धा
     राग-रोप-जनद्वेष विमुग्धा ।
देशद्रोहिभिरतिशय-क्लिष्टा
     भारत-भूबलिवीरैस्नाता ॥ कुसुमा०॥

देश-दुःख-परिशोषित-गात्राः,
     भारत-दैन्य-कष्ट-सक्षुब्धा ।
स्वातन्त्र्यार्थ-समर्पित-देहाः,
     धन्यास्ते बलि-वीर-वदान्याः ॥ कुसुमा०॥

ताप-शोक-भय चिन्ता-मुक्ताः,
     भारत-जननी-ताप-प्रतप्ता ।
देशार्पित-निज-जीवन वित्ता
     धन्याः क्रान्ति-सुधा-रस-स्फीता ॥ कुसुमा०॥

येषां कृतिरिहि जीवन-दात्री
     गौरव-गाथा सुख-तति धात्री ।
स्वार्थ-नाशिकोद्बोधन-कर्त्री
     संशय-क्लेश-भ्रान्ति भय हर्त्री ॥ कुसुमा ॥

येषां कीर्तिः अविचल हृद्या
     देशवासिभि परमभिनन्द्या ।
शक्ति प्रेरणा स्रोतोरूपा
     जन-जन-मानस-मोहनरूपा ॥ कुसुमा०॥

क्रान्तिकारिभिर्जीवनदानैः
     शान्तिपरैः सर्वस्वप्रदानैः ।
वीरैः शौर्य-धैर्य-परिपुष्टा,
     भारत-जननी गुण-गण-तुष्टा ॥ कुसुमा०॥

भारतमातुर्गौरव-भूता,
     देशभक्ति-गुण-पावित चित्ता ।
तेषां चरण-युग्ममभिनन्द्यं
     तेषां चरितं सततं वन्द्यम् ॥ कुसुमा०॥


Proofread by Mandar Mali