Shrinu Sadhaka Tava Jivanapatha PrerakavAnim

श‍ृणु साधक तव जीवनपथ प्रेरकवाणीम्

श‍ृणु साधक तव जीवनपथ प्रेरकवाणीं वद शिक्षक जनपाठशसुकरां सुरवाणीम् । पठ छात्रक नवनिर्मित सुपरिष्कृत पाठान् लिख नूतनविषयेषु हि बहु संस्कृत लेखान् ॥ १॥ मा क्ष्रावय निजशंसनपरदूषणवाक्यं ननु गापय कृतिबोधकमतिप्रेरकगीतम् । त्यज लेखक! भयमिक्ष्रितगतिरोधकभावं हृदि धारय नवसर्जनबहुलेखनध्येयम् ॥ २॥ सहगन्तुक सहवाचकसहवेदकचित्तं अभिमन्त्रय किल वैदिक समुपासितत्तवम् । सरलात्मक नियमाहत सुरसंस्कृत भाषां कुरू लेखक निजलेखन कृति साधन भूताम् ॥ ३॥ पठनेन हि पदसड्ग्रह मभिवर्धय नित्यं मननेन च पदशोधनमवधारय सर्वम् । समकालिकरचनासु तु सुतरां चिनु गद् यं लिख संस्कृत मनुवादक नितरां परिशुद्धम् ॥ ४॥ धनकामनपद लालसरहितं कुरु कार्यं अभिप्रेरण गुणपूजनसहितं कुरृ काव्यम् । चल सन्ततमनिशं पथि नियतं कुरृ सेवां लिख लेखक पठ पाठक सततं स्मर ध्येयम् ॥ ५॥ श‍ृणु साधक तव जीवनपथ प्रेरकवाणीं