वन्दे भारतमातरम् २
(गीतिका) (मात्रासमक जाति)
वन्दे भारत-मातरमेता
सुषमा गौरव-गुम्फित-वेषाम् ।
हिमगिरि-शुभ्र-किरीट-सुशोभा
विन्ध्य-राजि-कटि-रत्न-सुमध्याम् ॥ वन्दे०॥
शस्य-श्यामला गुण-गण हृद्या
कुसुम-समृद्धि-फलैरभिनन्द्याम् ।
क्रान्तिकारिबलिदान-मनोज्ञा
शान्तिदूत-जन-त्याग-बलाढयाम् ॥ वन्दे०॥
शौर्य-धैर्य-चल-सञ्चित शक्तिः
त्याग-तपोबल-संश्रित-शान्तिम् ।
करुणा-मुदिताऽमृतमय-चित्ता
दीन-हीन-जनताऽर्पित-वित्ताम् ॥ वन्दे०॥
षष्टि-कोटि-जन-घोष-कराला
शान्ति-सरोवर-रुचिर-मरालाम् ।
धान्य-समृद्धि समेधित-शोभा
सरिता कल-रव-राजित-देहाम् ॥ वन्दे०॥
तुहिनदीधितेर्दीधिति-रम्या
तिग्मदीधितेर्दीधिति-दीप्ताम् ।
हास-लास्य-लय-गीति-गुणाढ्या
स्नेह-दया-शुचिता-रुचिराभाम् ॥ वन्दे०॥
शत्रु-मर्दिनी सल-दल-दलनी ।
दुःख-हारिणी शोक-तारिणीम् ।
ताप-शाप-भय-त्रास-वारिणी
दैन्य-दोष-मद-रोष-हारिणीम् ॥ वन्दे०॥
सुखदा वरदा सुरुचि-हासिनी
मञ्जुल-वाच स्नेह-धारिणीम् ।
दीन-हीन-पतिताऽऽर्ति-हारिणीं
साम्य-सौख्य-मुदिता-प्रसारिणीम् ॥ वन्दे०॥
रोग-शोक-भय-दुःख-प्रहर्त्री
क्षोभ-रोष-क्षय-क्षति-सहर्त्रीम् ।
जागृति-ममता-गुण-सधर्त्री
नव्य-चेतनोत्साह-प्रदात्रीम् ॥ वन्दे०॥
शान्ति-सौख्यदा भुक्ति-मुक्ति-दा
जीवन-जागृति-स्फूर्ति-शक्ति-दाम् ।
विश्व-ज्ञानदा विश्व प्रेमदा
विश्व-शान्तिदा करुणा-पूर्णाम् ॥ वन्दे०॥
क्रान्ति-शान्ति-कर युग्म-धारिणी
पाप-तापिनी स्वार्थ-नाशिनीम् ।
शक्ति-भक्ति बल-वीर्य-दायिनी
क्रान्ति-तोषिणी शत्रु-शोषिणीम् ॥ वन्दे०॥
Proofread by Mandar Mali