वसन्ततिलकास्तुतिः
पादगुह्यगुदनाभिहृच्छिरोधातुमण्डलगमेरुपृष्ठगम् ।
नाडिकासमयवज्रपद्मगं त्वां नमाम्युभयचित्तहेरुकम् ॥ १॥
गुह्यकोकनदकर्णिकान्तरव्योमपञ्चकमहानभःस्थितम् ।
धर्मधातुतिलकाद्वयाद्वयं त्वां नमामि सहजात्महेरुकम् ॥ २॥
कालमेघपटलान्तरोच्छलदविद्युदुग्रपटलाधिकत्विषम् ।
सत्त्वभाजनयुगप्रदाहिकां त्वां नमामि जगदम्ब हेरुकीम् ॥ ३॥
नाभिचक्रकुहराम्बुराशितो वज्रवारिजसमाजसम्भवाम् ।
सौधसाररसपानलम्पटां त्वां नमामि बडवानलत्विषम् ॥ ४॥
इति श्रीवसन्ततिलकास्तुतिः समाप्ता ॥
% Text title : Vasantatilaka Stuti % File name : vasantatilakAstutiH.itx % itxtitle : vasantatilakAstutiH % engtitle : vasantatilakAstutiH % Category : misc, buddha, stuti % Location : doc_z_misc_general % Sublocation : misc % Language : Sanskrit % Subject : philosophy/hinduism/religion % Transliterated by : DSBC staff % Proofread by : Miroj Shakya % Indexextra : (Scan, Text 1, 2) % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % Site access : https://sanskritdocuments.org
This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.