Vasishthaproktam Ksharaksharavarnanam

वसिष्ठप्रोक्तं क्षराक्षरवर्णनम्

सृजत्यनन्तकर्माणं महान्तं भूतमग्रजम् । मूर्तिमन्तममूर्तात्मा विश्वं शम्भुः स्वयम्भुवः । अणिमा लघिमा प्राप्तिरीशानं ज्योतिरव्ययम् ॥ १५॥ सर्वतःपाणिपादान्तं सर्वतोऽक्षिशिरोमुखम् । सर्वतःश्रुतिमल्लोके सर्वमावृत्य तिष्ठति ॥ १६॥ हिरण्यगर्भो भगवानेष बुद्धिरिति स्मृतः । महानिति च योगेषु विरिञ्च इति चाप्युत ॥ १७॥ साङ्ख्ये च पठ्यते शास्त्रे नामभिर्बहुधाऽऽत्मकः । विचित्ररूपो विश्वात्मा एकाक्षर इति स्मृतः ॥ १८॥ वृतं नैकात्मकं येन कृत्स्नं त्रैलोक्यमात्मना । तथैव बहुरूपत्वाद्विश्वरूप इति स्मृतः ॥ १९॥ एष वै विक्रियापन्नः सृजत्यात्मानमात्मना । अहङ्कारं महातेजाः प्रजापतिमहङ्कृतम् ॥ २०॥ इति महाभारते शान्तिपर्वणि २९१ अध्यायान्तर्गतं वसिष्ठप्रोक्तं क्षराक्षरवर्णनं सम्पूर्णम् । महाभारत । शान्तिपर्व । अध्याय २९१/१५-२०॥ mahAbhArata . shAntiparva . adhyAya 291/15-20.. Proofread by PSA Easwaran