Brahmadibhih Kritam Surya Stotram 12

ब्रह्मादिभिः कृतं सूर्यस्तोत्रम् १२

सुमन्तुरुवाच । श‍ृणुष्वैकमना राजन्यथा देवो दिवस्पतिः । ब्रह्मादिभिः स्तुतो देवैरृषिभिश्च पुराऽनघ ॥ २॥ ब्रह्मादय ऊचुः । प्रयत्नतः प्रणतहितानुकम्पिने स्वरूपतो लोकविभाविने नमः । दिवस्पते कमलकुलावबोधिने नमस्तमः पटलपटावपायिने ॥ ३॥ पावनातिशयपुण्यकर्मणे नैककामविभवप्रदायिने । भासुरामलमयूखमालिने सर्वलोकहितकारिणे नमः ॥ ४॥ अजाय लोकत्रयभावनाय भूतात्मने गोपतये प्रियाय । नमो महाकारुणिकोत्तमाय सूर्याय लोकत्रयभावनाय ॥ ५॥ विवस्वते ज्ञानकृतान्तरात्मने जगत्प्रतिष्ठाय जगद्धितैषिणे । स्वयम्भुवे लोकसमस्तचक्षुषे सुरोत्तमायामिततेजसे नमः ॥ ६॥ निजोदयाय सुरगणमौलिमणे जगतस्त्वं महितैस्त्वमुरुमयूखसहस्रतपाः । जगति विभो वतमसतुद वनतिमिरासवपावन मदाद्भवति विलोहितविग्रहतातिमिरविनाशिनमुग्रं सुतरां त्रिभुवनभाप्रकरैः ॥ ७॥ रथामारुह्य समामयं भ्रमसि सदा जगतो हितदः ॥ ८॥ इत्येवं संस्तुतो देवो भास्करो वेधसा पुरा । दैवतैश्च महाबाहो शिवविष्ण्वादिभिर्नृप ॥ ९॥ इति श्रीभविष्यपुराणे ब्राह्मे पर्वणि द्वाविंशत्यधिकशततमाध्यायान्तर्गतं ब्रह्मादिभिः कृतं आदित्यस्तोत्रं समाप्तम् । भविष्यपुराण । ब्राह्मपर्व । अध्याय १२२/३-८॥ bhaviShyapurANa . brAhmaparva . adhyAya 122/3-8.. Proofread by PSA Easwaran