Brahmana Kritam Surya Stotram 17

ब्रह्मणा कृतं सूर्यस्तोत्रम् १७

ब्रह्मोवाच । भगवन्तं भगकरं शान्तचित्तमनुत्तमम् । देवमार्गप्रणेतारं प्रणतोऽस्मि रविं सदा ॥ ३६॥ शाश्वतं शोभनं शुद्धं चित्रभानुं दिवस्पतिम् । देवदेवेशमीशेशं प्रणतोऽस्मि दिवाकरम् ॥ ३७॥ सर्वदुःखहरं देवं सर्वदुःखहरं रविम् । वराननं वराङ्गं च वरस्थानं वरप्रदम् ॥ ३८॥ वरेण्यं वरदं नित्यं प्रणतोऽस्मि विभावसुम् । अर्कमर्यमणं चेन्द्रं विष्णुमीशं दिवाकरम् ॥ ३९॥ देवेश्वरं देवरतं प्रणतोऽस्मि विभावसुम् । य इदं श‍ृणुयान्नित्यं ब्रह्मणोक्तं स्तवं परम् । स हि कीर्तिं परां प्राप्य पुनः सूर्यपुरं व्रजेत् ॥ ४०॥ इति श्रीभविष्यपुराणे ब्राह्मे पर्वणि चतुःसप्तत्युत्तरशततमाध्यायान्तर्गतं ब्रह्मप्क्तं सूर्यस्तोत्रं समाप्तम् । भविष्यपुराण । ब्राह्मपर्व । अध्याय १७४/३६-३९॥ bhaviShyapurANa . brAhmaparva . adhyAya 174/36-39.. Proofread by PSA Easwaran