Naradakritam Surya Stotram 24

नारदकृतं सूर्यस्तोत्रम् २४

कृष्णाजिनपरिच्छिन्ने ह्युपविष्टो वरासने । ऋषितोयातटे रम्ये प्रतिष्ठाप्य महामुनिः ॥ १६॥ सूर्यस्य प्रतिमां रम्यां सर्वदारिद्र्यनाशिनीम् । तुष्टाव विविधैः स्तोत्रैरादित्यं तिमिरापहम् ॥ १७॥ नमस्ते ऋक्स्वरूपाय साम्नां धामग ते नमः । ज्ञानैकरूपदेहाय निर्धूततमसे नमः ॥ १८॥ शुद्धज्योतिःस्वरूपाय निर्मूर्तायामलात्मने । वरिष्ठाय वरेण्याय सर्वस्मै परमात्मने ॥ १९॥ नमोऽखिलजगद्व्यापिस्वरूपानन्दमूर्तये । सर्वकारणभूताय निष्ठायै ज्ञानचेतसाम् ॥ २०॥ नमः सर्वस्वरूपाय प्रकाशालक्ष्यरूपिणे । भास्कराय नमस्तुभ्यं तथा दिनकृते नमः ॥ २१॥ ईश्वर उवाच । एवं संस्तुवतस्तस्य पुरतस्तस्य चेतसा । प्रादुर्बभूव देवेशि जगच्चक्षुः सनातनः ॥ २२ इति श्रीस्कन्दपुराणे प्रभासखण्डे प्रभासक्षेत्रमाहात्म्ये त्र्यधिकत्रिशततमाध्यायान्तर्गतं नारदकृतं सूर्यस्तोत्रं समाप्तम् । स्कन्दपुराण । प्रभासखण्ड । अध्याय ३०५/१८-२१॥ skandapurANa . prabhAsakhaNDa . adhyAya 305/18-21.. Proofread by PSA Easwaran